O programa da xornada incluíu, ademais da presentación deste ciclo, unha demostración de maquinaria forestal, un percorrido polo centro e unha degustación de produtos galegos de calidade diferenciada
Ribadeo, 11 de maio de 2022. O Centro de Formación e Experimentación Agroforestal (CFEA) Pedro Murias de Ribadeo celebrou onte unha xornada de portas abertas. Dende as dez da mañá e ata as sete da tarde estas instalacións, dependentes da Axencia Galega da Calidade Alimentaria, da Consellería do Medio Rural, permaneceron abertas ao público en xeral.
O principal obxectivo desta xornada foi o de dar a coñecer a oferta formativa deste centro e en particular o seu ciclo medio de Formación Profesional de Aproveitamento e Conservación do Medio Natural na modalidade dual, co fin de captar alumnado para o vindeiro curso. Así, nesta xornada participaron representantes dalgunhas das empresas que colaboran na actividade e nas que os alumnos realizarán parte da súa formación teórico-práctica. Trátase de empresas forestais, así como de escolas taller e de obradoiros de emprego tanto de Asturias como de Galicia e orientadores laborais de concellos e de oficinas do Instituto Nacional de Empleo (INEM).
Na programación do día de portas abertas tamén tivo lugar unha demostración de maquinaria forestal, na que se amosaron traballos realizados por un robot rozadoira e por unha trituradora de biomasa, así como por motoserras, rozadoiras e demais maquinaria.
Despois fíxose un percorrido polas instalacións do centro, para finalizar cunha degustación de produtos dos consellos reguladores galegos: queixos das catro denominacións de orixe, faba de Lourenzá, grelo de Galicia e produtos da horta de Ribadeo envasados pola Axencia Galega da Calidade Alimentaria cos excedentes da zona no ano 2021.
Ciclo medio de FP
O ciclo medio de FP na modalidade dual estrutúrase en dous cursos. Durante un total de oito meses a formación teórica e práctica desenvolverase en empresas coas que previamente se establece un convenio de colaboración. Ademais, ao longo deste período os estudantes terán unha remuneración económica, establecéndose unha vinculación entre o alumno e a empresa que poderá ser directa, a través dun contrato en prácticas entre as partes ou ben indirecta, mediante unha bolsa de estudos. Finalmente, os alumnos rematan o ciclo coa obtención dun título de Formación Profesional de grao medio, a acreditación de experiencia laboral en empresa polo período correspondente e unha remuneración como contraprestación polo seu traballo.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
