Mudar este boom especulativo por un modelo enerxético sustentable e que beneficie a Galiza, entre os temas que levará mañá á súa reunión con Rueda
Santiago de Compostela, 5 xuño 2022. A portavoz nacional, Ana Pontón, reclama ao Goberno do PP que “deixe de abrazar ás eléctricas” e escoite o que está dicindo a cidadanía galega nas rúas “que é que non quere un boom eólico que destroza o noso territorio”, que vai “en contra do desenvolvemento sustentable do País” e “que tamén ameaza a produción de alimentos nun momento no que, se algo nos quedou claro nesta crise, é que necesitamos soberanía alimentaria”.
“Esta é a mensaxe que a xente deste País leva lanzando dunha forma contundente nos últimos tempos e pedímoslle ao PP que escoite o que hoxe tamén lle din os galegos e as galegas na rúa”, afirmou na manifestación en Santiago en contra do boom eólico especulativo e depredador convocada pola coordinadora Eólica, así non e na que participou xunto a unha destacada delegación do BNG.
Neste sentido, Pontón reiterou que esta cuestión será un dos temas que abordará na súa reunión de mañá co presidente da Xunta, Alfonso Rueda, como parte da axenda de prioridades ás que o BNG entende que o Goberno galego debe dar resposta.
“Unha das propostas é frear este boom eólico depredador e especulativo, porque estamos ademais no momento adecuado xa que moitos destes parques estanse tramitando agora”, incidiu, para concluír que, polo tanto, é agora “cando hai que parar este boom eólico depredador e sentarse a planificar un desenvolvemento enerxético que sexa sustentable, que respecte o medio rural e que deixe beneficios no País e non nos consellos de administración das eléctricas como pasa na actualidade”.
Pontón incidiu en que esta nova mobilización contra o modelo eólico da Xunta, celebrada nesta ocasión coincidindo co Día Mundial do Medio Ambiente, deixa unha “mensaxe clara” tanto ao Goberno galego como ás eléctricas que están poñendo en marchas un boom eólico depredador: “Galiza non pode soportar un novo ataque ao seu territorio, un novo ataque ao medio rural”, advertiu, para engadir a continuación que o que estamos vendo “é que detrás de todos estes proxectos macroeólicos hai un interese por continuar co espolio e coa depredación de toda a vida, ao que algúns lle queren poñer a etiqueta verde, pero non coa”.
Así, indicou que esta etiquetaxe non coa entre a cidadanía “porque hai un movemento de norte a sur de todo o País, de revolta contra este boom eólico depredador que está deixando moi claro que non imos aceptar un modelo eólico que supón a depredación do territorio”, un modelo que, segundo recalcou para concluír, “o único que busca é que o lobby eléctrico siga facendo negocio e especulando”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
