O Arquivo Histórico Provincial engrosa así a colección de Documentos singulares rescatados con motivo da efeméride, e ofrece tamén visitas guiadas e a exposición Postais para recordar
Lugo, 9 de xuño de 2022. A Xunta de Galicia celebra hoxe no Arquivo Histórico Provincial de Lugo o Día Internacional dos Arquivos cunha nova edición dos Documentos singulares, dedicado nesta ocasión a unha escritura notarial que acaba de cumprir 400 anos, xa que data do 4 de abril de 1622, sobre o arranxo da fonte de Mondoñedo.
O centro, que depende da Consellería de Cultura, Educación, Formación Profesional e Universidades, publicou unha reprodución do documento orixinal acompañada da transcrición, unha explicación sobre o seu contido e contexto, e a descrición arquivística.
Trátase dunha escritura de obriga e fianza, pola que o mestre canteiro Juan del Aro se compromete ante o concello de Mondoñedo a reparar a que por entón era a única fonte pública da cidade: a Fonte Vella. Inclúe as condicións que debe cumprir a obra, nas que se expresa polo miúdo as trazas, calidades, tipos de pedra ou argamasas que deben ter cada unha das partes da fonte e da condución e rebosadoiro das augas.
A directora do Arquivo, Dolores Pereira, abrirá os actos de conmemoración ás 19.00 horas. A continuación, Inés Pájaro, técnica do centro, presentará o documento, e o doutor en Historia da Arte Javier Gómez Darriba ofrecerá unha conferencia centrada na cidade de Mondoñedo durante a Idade Moderna, poñendo en valor outros documentos sobre a materia que custodia a institución.
O centro aproveita cada ano esta efeméride para rescatar algúns dos seus documentos para o público, engrosando a colección dos Documentos singulares. O obxectivo é que a cidadanía se achegue a eles e entenda que están ao seu servizo e recollen a memoria colectiva: Nada máis indispensable para os veciños e veciñas de Mondoñedo do século XVII que contar cunha fonte pública operativa na que satisfacer as súas necesidades, tanto para beber e cociñar como para atender á hixiene e a outros menesteres.
O Arquivo Histórico Provincial desenvolve tamén unha semana de portas abertas para que as persoas interesadas poidan coñecelo da man dos arquivistas, un convite que realizan con especial interese aos centros escolares da provincia. As citas poden reservarse no teléfono 982 828 318 ou no correo electrónico do centro: ahp.lugo.informacion@xunta.gal.
Ademais, continúa exposta a mostra do fondo fotográfico Arribas Postais para recordar, composta por 276 imaxes das provincias de Lugo e A Coruña; trátase dunha escolma da colección de 1357 placas procedentes da empresa Ediciones Arriba de Zaragoza, dispoñible para a cidadanía na súa totalidade a través do Arquivo Dixital de Galicia, Galiciana.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
