Pontón destaca a riqueza dunha manifestación artística que ten miles de seguidores entre a xente moza e xera 6 M€ de actividade económica
Santiago de Compostela, 9 de xuño 2022. O BNG vai levar ó Parlamento unha proposición non de lei para reclamar a declaración de ben de interese cultural (BIC) para o baile, canto e música tradicionais galegas na categoría de patrimonio inmaterial, que permita a estas manifestacións artísticas contar coa protección e posta en valor dunha riqueza cultural que sigue moi viva.
“Hai máis de 30.000 alumnos e alumnas nas escolas de baile, un millar de profesores e de profesoras e só esta actividade xera seis millóns de euros”, destacou a portavoz nacional, Ana Pontón, durante o acto de presentación da iniciativa, que contou coa participación dun grupo de mozos e de mozas que fixeron unha demostración de baile e de canto tradicionais demostrando, precisamente, o interese das novas xeracións por estas formas culturais propias.
“Demostran a viveza desa cultura tradicional que a xente nova quere manter, motivo para o optimismo porque entender as nosa raíces é importante”, destacou a líder do Bloque, “é unha riqueza que hai que protexer, poñer en valor, apoiar e divulgar”.
Por iso, a líder nacionalista critica a inacción do Goberno do PP que tras anunciar a incoación dun expediente BIC, este foi finalmente desestimado en 2020, despois de que a tramitación se iniciase por impulso dunha iniciativa popular en 2018. Por iso, a formación nacionalista leva o tema á Cámara para retomar a tramitación e conseguir a declaración de ben de interese cultural.
O BNG toma así a iniciativa levando ao Parlamento unha proposición non de lei, tendo en conta que hai un traballo feito, incluídas as alegacións de moitas entidades sociais, “polo que o Goberno da Xunta debería recoller todo ese traballo e iniciar un novo expediente que permita darlle apoio a este patrimonio e a todo o tecido cultural que o promove e o apoia”, alegou Pontón.
Igualmente, explicou a líder nacionalista, o Bloque vai solicitar a creación dun observatorio para a música, baile e canto tradicionais galegos, para avaliar o seu estado de conservación e facilitar a preservación de todo o material e documentación, “aproveitando o importante traballo de recollida feito por moitas persoas ó longo e ancho do País de xeito altruísta”, sinalou.
Pontón destacou “o orgullo por unha tradición que non é pasado senón que sigue tendo un presente vivo e rico, pese a un Goberno que non ten feito os seus deberes”, e por iso é importante promover a declaración de BIC, “para protexer esta riqueza cultural e porque temos que coidar o noso patrimonio inmaterial”, concluíu, tras a presentación da iniciativa nun acto no que tamén estivo presenta a portavoz parlamentaria de Cultura, Mercedes Queixas, e a portavoz municipal en Santiago, Goretti Sanmartín.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que serán os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
No acto, desenvolvido no Teatro, interviñeron o alcalde, Dani Vega, e a presidenta de Acisa, Carmen Cruzado. O Coro Sagrado Corazón puxo a nota musical a esta primeira cita deste evento histórico cultural. A continuación foi a baixada ao peirao na compaña do enxebre cuarteto Illa Pancha e xa en Porcillán tivo lugar a chegada dos indianos a cargo do prestixioso Grupo de Teatro de Ribadeo. Gallaeia Small Band e Septeto To’ Mezclao amenizaron o peirao e o Campo de Francisco esta primeira xornada do Ribadeo Indiano 2026. O sábado e o domingo desenvolverase un intenso programa de actividades pensadas para todos os públicos.
Unha actividade marcada polo deporte, o compañeirismo e o bo ambiente. Na categoría Sub-12, os equipos gañadores foron Xove Fútbol Praia, Viveiro Celtic e Sanci FC; en Sub-15, Cachupa, Wachines e Encueradores; en Sub-17, Hamburguesas FC, EnlaDepor e Wachines; e na categoría Sénior, Hamburguesas, La Org e Motototo. As medallas foron entregadas pola alcaldesa de Cervo, Dolores García Caramés, quen felicitou os equipos e agradeceu a participación das persoas inscritas, das familias, do público e dos colaboradores, destacando que fixeron posible unhas noites de fútbol praia inesquecibles. A programación deportiva continuará a semana do 20 de xullo coa celebración do torneo de Fútbol 3x3.
O músico ofrecerá un repaso polos clásicos de Dire Straits, Eric Clapton, Pink Floyd, Lou Reed, Bruce Springsteen, Bob Dylan, Joaquín Sabina e moitos máis, nunha xornada dedicada á música e á historia do local. Esta será a primeira das actividades que se irán anunciando con motivo do 25 aniversario, cunha cita marcada para o 12 de xullo, no propio Rincón de Mondoñedo.
