O Presidente, José Tomé Roca, asinou hoxe co Alcalde, Francisco Cajoto Caserío, un convenio de colaboración a través do que a institución provincial achega máis do 70% do financiamento necesario para actuacións nas rúas que comunican o centro e os comercios coa praia da Rapadoira e a zona de hostalería
Lugo, 21 de xuño de 2022. O Presidente da Deputación de Lugo, José Tomé Roca, asinou xunto co Alcalde de Foz, Francisco Cajoto Caserío, un convenio de colaboración a través do que a institución provincial aporta ó Concello medio millón de euros para mellorar a mobilidade e a accesibilidade de varias rúas que conectan o centro da vila mariñana e os comercios coa praia da Rapadoira e a zona de hostalaría. A achega da Deputación representa máis do 70% do investimento necesario para sacar adiante esta actuación, á que o Concello dedica 224.000€, polo que o importe total ascende a preto de 800.000€.
O acto de sinatura do convenio celebrouse na propia Praza de Galicia de Foz, unha das zonas nas que se vai actuar, coa presenza da Deputada de Réxime Interior, Promoción do Territorio e Turismo, Pilar García Porto, concelleiros e concelleiras da Corporación municipal e o técnico encargado do proxecto.
José Tomé subliñou que esta actuación “marcará un antes e un despois na mobilidade e na accesibilidade” da vila focense, e que, unha vez que firmado o convenio, o Concello xa pode licitar de inmediato as obras, que xa teñen o proxecto redactado. Polo tanto, estamos falando de feitos, de accións concretas”.
O proxecto, segundo sinalou o mandatario provincial, “fará máis fáciles, máis cómodos e máis accesibles os desprazamentos dende o centro de Foz e a zona comercial ata a zona da praia e da hostalería, seguindo para elo o disposto no Plan de Mobilidade que ten o Concello para o casco urbano. Ademais, inclúe outra cuestión tan importante como a renovación das redes de saneamento e abastecemento”.
Polo tanto, asegurou, “esta actuación supón un salto cualitativo na mellora dos servizos públicos e da mobilidade neste concello e, como tal, beneficiará a calidade de vida dos veciños e veciñas, e a actividade das empresas e o turismo”.
Máis de 3M€ da Deputación en Foz
O Presidente enmarcou esta iniciativa na “cooperación, intensa e continua, que mantemos co Concello de Foz para que poida ofrecer máis e mellores servizos ós seus veciños”, apuntando que esta colaboración “traduciuse nun investimento que supera os 3M€ da Deputación no municipio mariñano, só no que vai de mandato, para obras e servizos necesarios para os veciños e veciñas”. Avanzou así mesmo que “vamos a seguir nesta liña, traballando e colaborando co Concello de Foz e con todos os concellos da provincia na medida das posibilidades da Deputación, sen mirar cores políticas, senón sempre ao servizo da xente”.
Engadiu José Tomé que “na construción do futuro que queremos para a provincia, temos que traballar todos xuntos, cada un dende as nosas respectivas responsabilidades. Estou convencido de que o Concello de Foz e o seu Alcalde van seguir sendo unha peza importante dese futuro, do desenvolvemento da provincia de Lugo. E nese camiño, van atopar sempre a compañía e o respaldo da Deputación”.
Actuacións
O proxecto para mellorar a accesibilidade no centro urbano de Foz que cofinancia a Deputación afectará ás rúas Eduardo Pondal, Salvador de Madariaga, Irmandiños, Curros Enríquez e á Praza de Galicia. Contempla a construción de beirarrúas anchas, de dous metros, e a conversión das vías de dobre sentido a unha de sentido único en dirección á zona de praia cunha calzada compartida entre vehículos e bicicletas, con pasos de peóns elevados para calmar o tráfico. Na Praza de Galicia está previsto deixar unha plataforma única delimitada só para residentes.
A actuación repercutirá no calmado do trafico con pasos elevados de peóns e beirarrúas accesibles, xa que na actualidade constitúen unha barreira arquitectónica para persoas con problemas de mobilidade.
A mellora deste eixo urbano permitirá constituír un camiño peonil seguro para todos aqueles que se despracen entre o centro da vila e a zona da Rapadoira, nun espazo sensible ademais pola presenza do Colexio Público Número 1.
Está prevista tamén a construción dunha nova rede de colectores de saneamento por calzada mediante a separación de residuais e pluviais e a reposición do abastecemento, renovando as tubaxes. Tamén a reposición do alumeado público coa substitución das luminarias existentes por outras de baixo consumo e colocaranse elementos para humanizar a zona, como árbores, bancos e papeleiras, así como pantallas para cubrir os colectores de lixo.
Outros investimentos
Acompañado polo Alcalde do municipio, o Presidente da Deputación visitou tamén as obras de urbanización da rúa Costa do Castro, para as que a institución provincial achegou medio millón de euros a través dun convenio asinado o verán pasado. As actuacións, que comezaron en marzo e que teñen un prazo de execución de 8 meses, consisten na mellora do firme e a construción de beirarrúas, soterrando o tendido eléctrico e dotando o percorrido de alumeado público que combine a calidade lumínica e a eficiencia enerxética.
En materia de mobilidade, Tomé Roca comprobou as melloras feitas na estrada provincial de San Acisclo, a LU-P-0210, entre Foz e Alfoz, ás que a Deputación destinou 110.000€ e que quedou totalmente ampliada e acondicionada. Entre os traballos realizados, a institución provincial dotou a esta vía de beirarrúas, instalou sumidoiros e cunetas, aglomerou, sinalizou e acometeu melloras no alumeado, instalando seis novos puntos de luz. A estrada, que soporta moito tráfico, é o camiño máis curto da veciñanza de Foz e Alfoz para chegar á costa, ademais de dar servizo aos serradoiros de madeira da zona.
Por último, o Presidente visitou o novo local da Asociación de Veciños Río de Ouro de San Acisclo, anexo ao edificio da Escola. A Deputación destinou 43.000€ a un convenio de colaboración asinado con esta entidade, grazas ao que puido ampliar o seu aforo e realizar actividades como obras de teatro, pequenos concertos ou sesións de cine.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
