Ribadeo, 28 de xuño de 2022. As obras do novo aparcamento que o Concello, coa axuda da Deputación de Lugo, está a acondicionar no casco histórico da vil marchan a bo ritmo, segundo o alcalde, Fernando Suárez. O rexedor asegura que estará listo para a celebración do Ribadeo Indiano. Contará cunha escaleira de madeira para que os peóns poidan acceder ao mesmo a través da praciña que está situada entre o Concello e o edificio de Aduanas.
Suárez Barcia contou que “as obras están avanzando a moi bo ritmo, refírome a estas obras de acondicionamento deste importante aparcadoiro municipal que estamos levando adiante nuns terreos que non son do Concello, pero si que son cedidos polos seus propietarios en tanto eles non constrúan nesta zona do casco vello. É unha solución moi importante que vai dar servizo aos residentes en toda esta parte do casco vello e tamén aos visitantes neste punto no que non hai moito aparcamento desde sempre. Son 70 as prazas coas que imos contar aquí”.
O alcalde dixo que “agora mesmo estase acondicionando, estase nivelando, estase afirmando con zahorra. A empresa que o está facendo grazas á colaboración e apoio, como tantas outras veces, da Deputación de Lugo. E ao mesmo tempo estamos construíndo unha escaleira para un acceso peonil pola praciña que está entre o Concello e o edificio de Aduanas para que os peóns poidan baixar directamente a ese aparcamento ou tamén poden acceder pola rúa Ibáñez ou pola rúa Nova”.
O rexedor agarda que este novo aparcamento estea listo dentro duns días: “contamos que este aparcamento estea listo precisamente para o Ribadeo Indiano, a celebrar dentro de poucos días”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
