Barreiros, 4 de xullo de 2022. A asociación Camiñantes e Camiños, de Barreiros, fai un balance positivo da Romaría de Santo Estevo do Ermo, que se celebrou o pasado sábado. O seu presidente, José Manuel Gómez Puente, agradece a participación da veciñanza no evento.
O presidente do colectivo organizador contou que “a Romaría empezou coa peregrinación a Santo Estevo a pé dende praza do Concello para asistir a misa cantada e na procesión vivíronse os momentos máis emotivos”.
Unha das actividades que máis chamou a atención foi a exposición de pintura: “gustou moito e hai que destacar que foron vendidos cinco cadros. Quero agradecerlles a todos os pintores: Olivia C. Rozas, Cesar G. Berciano, Estibalid, Angel Carregal e Isidro Alvariño a súa participación”, seguiu a relatar José Manuel Gómez Puente.
O presidente de Camiñantes e Camiños dixo que “a xente estaba con ganas de festexar e así non faltaron os bailes, cantos e sobre todo as comidas de amigos e familias recordando as romarías de antes. Houbo partidas de tute. Este ano os gañadores foron a parella formada por Oliva de Celeiro e Manolo Fortuna de San Cosme. Tivemos maxia con Mago Rafa, música co dúo En Clave de Ti e queimada popular co conxuro do mestre druída Suso O Marqués”.
Para José Manuel Gómez Puente “vivimos todos os que asistimos unha xornada especial cun bo ambiente de amizade. Esta paraxe máxica fixo que moita xente o pasara ben e que con seguridade para o ano volvamos todos e todos e con máis amigos. Quero aproveitar para agradecer a presenza na Romaría da Coral Airiños do Mar, do Mago Rafa, do dúo En Clave de Ti e de Suso O Marqués. E dar as grazas tamén á xente que colaborou co seu traballo para todo saíse ben e á veciñanza por acudir a esta cita. Desde a organización seguiremos traballando para que o vindeiro ano teñamos unha romaría aínda mellor”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
