Burela, 12 de xullo, 2022. A Asociación Esperanza de apoio e loita contra o cancro de Burela considera “positivo o balance de actividades levadas a cabo dende comezos do outono pasado ata esta primavera, con varias actividades que tentaron que a veciñanza se achegara máis á asociación”.
Para Esperanza, “o acto co que a asociación está máis satisfeita é coa celebración do Día Muncial contra o cancro; elaboramos unha alfombra floral coa colaboración de ‘Burela Floral’, e percibimos o apoio de moitos veciños e veciñas e practicamente todos os colectivos do concello”.
Dende a asociación “pretendemos que os nosos socios e socias se manteñan activos. Por iso non só lles pedimos colaboración para as actividades, senón que organizamos actividades para eles, como foron os cursos de pintura e costura; cursos que continuaremos organizando para o vindeiro outono/inverno”.
Ademais de participar no mercadillo organizado polo Concello, Esperanza destaca tamén a viaxe de vintetrés socios e socias da mesma dentro do programa “Coñece a túa provincia” organizado pola Deputación Provincial.
A Asociación tamén lle agradece ao Concello de Burela a colaboración prestada cando foi requerido, e especialmente a entrega de 1.000€ por mor dunha campaña de reciclaxe.
Pero Esperanza tamén quere destacar o incremento da masa social do colectivo: “neste período incrementamos case que un 10% o número de socios, xa que estamos a rondar os 400. Iso danos máis forza para seguir a traballar polo obxectivo derradeiro do noso colectivo, incrementar os fondos adicados á investigación contra o cancro no noso país, e a iso se destinaron 4.000€ dende Esperanza no que vai de ano 2022. Lembramos que unha persoa asociada ao noso colectivo paga ao ano 12€, que nos serven para cubrir os gastos de mantemento da asociación e a organización de actividades, e enviar todo o demais á investigación con esta enfermidade. Por iso, e porque esta enfermidade nos pode tocar a todos antes ou despois, é polo que pedimos o apoio da cidadanía burelá”.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
