O secretario xeral do PSdeG, Valentín Formoso, subliñou que a prohibición “carece de rigor científico” xa que os caladoiros galegos un 51% da biomasa nos últimos 15 anos
Burela, 19 de agosto de 2022. O PSdeG iniciou unha recollida de sinaturas polas 63 cofradías galegas contra a prohibición da pesca de fondo da Comisión Europea en caladoiros de toda Europa, pero que afecta singularmente a Galicia. O secretario xeral dos socialistas, Valentín Formoso, puxo a primeira sinatura acompañado do Patrón Maior de Burela e presidente da Federación Nacional de Cofradías e de diferentes representantes dos municipios máis afectados na comarca da Mariña.
Os socialistas comezaron este venres en Burela a súa campaña de recollida de sinaturas contra a decisión da Comisión Europea que prohibirá a un gran número de pescadores galegos traballar nos caladoiros afectados. Tratarán de sumar tamén a outras comunidade afectadas como Asturias, Cantabria ou o País Vasco, e incluso a outros países como Portugal ou Francia.
Valentín González Formoso, secretario xeral do PSdeG, remarcou que o seu partido “nin entende, nin comparte” o paso dado pola Comisión Europea, indicando que a decisión “carece de rigor científico” e non ten unha avaliación previa do impacto económico e social que terá. A maior preocupación do líder socialista son o gran número de familias que dependen da pesca de fondo e que “ven ameazado o seu futuro”.
Para Formoso non coincide a decisión da Comisión coa realidade dos caladoiros galegos, os cales recuperaron un 51% da biomasa nos últimos 15 anos. Por isto, entende que o sector pesqueiro galego xa estaba actuando con respecto ao medio ambiente e dunha sostible para o ecosistema mariño.
Declarou que a Comisión Europea está “de costas” ao sector e aos países, pero tamén para Formoso, o que é máis perigoso é que tamén actúa “de costas” ao rigor científico. Por estas razóns, a través da recollida de sinaturas iniciada hoxe polos socialistas fan un requirimento, “dende a humildade, pero con determinación”, ao máximo órgano europeo para que cambie a súa decisión, que para os socialistas pode acabar cunha parte moi importante da pesca galega e do norte de España.
DECLARACIÓNS BASILIO OTERO
O presidente de Federación Nacional de Cofradías e Patrón Maior de Burela, Basilio Otero, agradeceu o apoio mostrado por Formoso e polo PSdeG ao sector pesqueiro galego ante o que cualifica como unha decisión “incongruente”. Amosou que non entenden a prohibición da pesca de fondo de calquera tipo, sen diferenciar entre as que teñen maior e menor impacto no medio ambiente. Tamén aproveitou para agradecer o traballo do Goberno central en apoio do sector pesqueiro.
Do mesmo xeito, ao igual que o líder socialista, destacou que a decisión carece de “rigor científico” e dun estudo socioeconómico sobre o seu impacto. Incidiu na responsabilidade do sector pesqueiro no norte de España, que cumpriu os compromisos de rexeneración da vida mariña antes do límite alcanzado. Para Otero xa levan moitos anos traballando con responsabilidade co medio ambiente e con compromiso co desenvolvemento sostible, polo que estas prohibicións son “inxustas”.
A campaña deu inicio coas sinaturas de Formoso e Basilio Otero, pero tamén coa da responsable socialista de pesca no Parlamento de Galicia, Patricia Otero; coa a das alcaldesas de Viveiro, María Loureiro, e de Trabada, Mayra García; a da concelleira de Mar de Burela, María del Carmen López moreno; e a do senador lucense, César Mogo.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
