Ribadeo, 24 de agosto de 2022. A Banda Municipal de Música de Ribadeo ofrece o seu concerto de música de cine este domingo, día 28, ás 20:30 horas no auditorio municipal Hernán Naval. Nesta ocasión está dirixido fundamentalmente @s nen@s e aos seus pais e avós.
O director da Banda ribadense, David Ballester, explica que “é un concerto creo xa que bastante coñecido por todos, que tivo moitísima aceptación dende que o retomamos. Ímolo facer o domingo 28 e quero resaltar que houbo un cambio de hora e de ubicación respecto aos anos anteriores: vai ser no auditorio Hernán Naval ás oito e media da tarde. Imos interpretar un repertorio que está dirixido sobre todo aos nenos, aínda que aos pais obviamente tamén porque hai obras que os pais viron cando eran nenos. Entón queremos que sobre todo os nenos veñan a ver o concerto, xa saben que é a nosa música acompañada con imaxes desas películas, e queremos que se sintan como si estiveran véndoas no cine. Son películas que van a coñecer, como Encanto, Coco, Star Wars ou A Historia Interminable, entre outras”.
David Ballester destaca que no concerto deste domingo “todas as pezas que imos tocar acompañadas das imaxes desas películas exceptuando dúas van ser interpretadas por primeira vez pola Banda Municipal de Música de Ribadeo. Isto é algo significativo xa que non e nada fácil, despois das actuacións que levamos neste verán (Indianos, Día da Patria, San Roque, o Festival de Bandas,…), montar un repertorio dunha hora con solo dúas obras que xa se tocaron unha vez, e o resto son novas, por primeira vez están no noso atril; entón quero resaltar ese esforzo que fan os músicos por sacar a Banda adiante, para que isto funcione e que siga por moito tempo co concerto de música de cine e con todas as demais actuacións”.
O director da Banda ribadense anima a que “os pais ou os avós se acheguen ao auditorio Hernán Naval e traian aos nenos para que poidan gozar desas películas, que coñecen, que son actuais, e que desfruten da música. Entón quero convidar a todos a que este domingo, 28 de agosto, ás oito e media da tarde no auditorio Hernán Naval se acheguen a desfrutar da música e das películas a cargo da Banda Municipal de Música de Ribadeo”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
