Lamenta que o goberno galego oculte a procedencia destes fondos, máis aínda cando o PP “votou en contra tanto dos Presupostos Xerais do Estado coma do Plan de Recuperación”
O Valadouro, 25 de agosto de 2022. O delegado do Goberno en Galicia, José Miñones, reclámalle ao presidente da Xunta, Alfonso Rueda, que rectifique con “lealdade, responsabilidade e coherencia” ao anunciar e xestionar as axudas de vivenda con fondos do Goberno e do Plan de Recuperación. Nunha visita ao Concello de Valadouro, José Miñones pediu esta mañá “transparencia” na xestión en Galicia das axudas de ata 10.800 euros para a compra de vivenda que o Goberno pon a disposición dos mozos e mozas en municipios de ata 10.000 habitantes, cuxa tramitación corresponde á Xunta, e censurou que Xunta anuncie estas medidas e outras como o bono alugueiro xove como propias “sen complementalas nin ter posto un só euro” a pesar de que a vivenda é competencia autonómica.
“Lamentamos que a Xunta non achegue nin un so euro para estas axudas de vivenda, cando se trata dunha competencia autonómica. O 100% dos 10.800 euros que os cidadáns poderán recibir por compra a cargo do Plan Estatal de Vivenda e dos Presupostos Xerais do Estado, que en ambos os dous casos contaron co voto en contra do PP”, sinalou. José Miñones desprazouse ao Concello do Valadouro, na Mariña interior de Lugo, onde foi recibido polo alcalde, Edmundo Maseda, para detallar as axudas do Plan Estatal de Vivenda 2022-2025 co que o Goberno promove o acceso á vivenda da mocidade e a cohesión social e territorial.
“Dende o Goberno estamos a traballar para que a vivenda sexa de verdade un dereito e se converta no quinto piar do Estado do Benestar”, reivindicou José Miñones, e solicitou a colaboración dos pequenos concellos para difundir a convocatoria entre a súa veciñanza.
O delegado destacou que o Plan Estatal de Vivenda 2022-2025 abre a oportunidade de camiñar cara un novo futuro para moitos mozos e mozas galegos e supón tamén unha achega moi importante para fixar poboación nos 257 concellos galegos que se benefician da iniciativa.
Dereito á vivenda e reto demográfico
José Miñones puxo de manifesto que “o acceso á vivenda e a revitalización do rural son dous retos que este Goberno asume como prioridades, con decisións políticas, con investimentos e dende a perspectiva da obrigada cooperación entre todas as administración públicas”.
Nese sentido, insistiu en “esixir á Xunta unha xestión eficiente de xeito que non se perda nin un só euro na recuperación de Galicia” porque “a cidadanía merece unha xestión eficaz e transparente, á altura dun tema tan sensible para os cidadáns como é a vivenda.”
As axudas do Plan Estatal permiten subvencionar a compra de vivenda no 82% dos concellos galegos. Concretamente en 87 municipios da provincia de Ourense, 72 da Coruña, 61 de Lugo, e 37 de Pontevedra.
Condicións das axudas
O Programa 5 do Plan Estatal de Vivenda -Programa de axuda ás persoas mozas e para o reto demográfico- da acceso a axudas de aluguer e compra a persoas de ata 35 anos nos concellos galegos ou núcleos que non superan os 10.000 habitantes. O límite de ingresos da unidade de convivencia é de tres veces o IPREM (catro veces no caso de persoas con discapacidade e cinco veces se a discapacidade é severa). A contía da axuda para compra será dun máximo de 10.800 euros co límite do 20% do prezo de adquisición, que non debe superar os 120.000 euros. O domicilio deberá ser o habitual e permanente durante cinco anos.
No caso do aluguer, o inquilino terá cuberta ata o 60% renda mensual, en alugueres de ata 600 euros ao mes ou ata 300 euros no caso de habitacións. Poderá recibir a axuda un máximo de cinco anos e será compatible con bono aluguer xove.
A tramitación destas axudas do Plan Estatal de Vivenda corresponde á comunidade autónoma. No caso de Galicia, a Xunta publicou o pasado 12 de agosto a convocatoria do Instituto Galego de Vivenda e Solo no Diario Oficial de Galicia fixando no día 30 de setembro a finalización do prazo de solicitude. O delegado animou os mozos e mozas a aproveitar a oportunidade.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
