Desde o venres 16 ao xoves 22 de setembro alternaranse propostas distintas en colaboración con multitude de asociacións da localidade e comarca
Burela, 14 de setembro de 2022. A Delegación de Medio Ambiente do Concello de Burela presenta a Semana Europea da Mobilidade no municipio, que se celebrará do 16 ao 22 de setembro con máis de 30 actividades e propostas para todos os públicos da man do tecido asociativo burelés.
O alcalde de Burela, Alfredo Llano, e a concelleira delegada de Medio Ambiente, Toñi Eijo, anunciaron esta programación sumándose por 15º ano consecutivo á principal campaña de sensibilización impulsada pola Comisión Europea nesta materia, coordinada a nivel nacional polos Ministerios para a Transición Ecolóxica e Reto Demográfico (MITECO) e de Transportes, Mobilidade e Axenda Urbana (MITMA). A iniciativa responde á promoción de cambios de comportamento na poboación en favor da mobilidade activa e outras alternativas de transporte limpas e sostibles.
Segundo afirmou a edil Toñi Eijo, “presentamos un cartel moi completo de actividades que amosa a aposta decidida que ten este goberno por cuestións medioambientais, agradecendo sempre a colaboración de todas as entidades e asociacións que participan desta semana e suman esforzos para dar visibilidade a outras formas de transporte menos contaminantes, ao exercicio físico e ás pautas de alimentación saudables”, explicou. Así mesmo, o rexedor subliñou que “Burela é un dos poucos concellos galegos que organiza unha semana completa de actividades ao redor da mobilidade”.
A programación deste ano 2022 outorga certo protagonismo á bicicleta como medio de transporte alternativo cun sorteo que consiste en visitar sobre as dúas rodas o stand do concello situado en distintos lugares un mínimo de 4 días para optar a gañar unha cea en Boasmigas valorada en 100 euros. Dito stand que ha de visitarse para participar no sorteo “Eu na bici” estará ubicado o venres 16 e luns 18 na praza do Concello; o sábado 17 e domingo 18 na praza da Mariña; o martes 20 na praza do Mariñeiro e na praza do Concello; o mércores 21 nas prazas do Concello e Mariña; e xoves 22 na estación FEVE e praza do Concello.
O programa de actividades da Semana Europea da Mobilidade comezará en Burela o venres 16 coa iniciativa “andando ao colexio” para o alumnado de 4º de primaria do Ceip Vista Alegre, a exposición dun automóbil 100% eléctrico na praza do Concello, unha clase aberta de ximnasia rítmica e posterior exhibición e un ensaio aberto da SCR Ledicia.
O sábado 17, as monitoras da aula Gaia realizarán un obradoiro infantil para aprender a preparar o almorzo dun xeito saudable (inscricións no 982580867). Realizarase a ruta xeolóxica da Marosa con inscrición previa, unha xornada de portas abertas a cargo de “Yoga Galicia” no paseo marítimo da praia do Cabaliño e tamén pola mañá unha sesión de Happy Dance na praza do Concello e xadrez na rúa coa Asociación de Xadrez Reyes y Peones na Praza da Mariña. Xa pola tarde, farase unha exhibición de Nihon Taijitsu (defensa persoal) e Taiji Quan (taichi), continuando cun obradoiro de manualidades e a actuación de ACM Dambara.
As rúas Pardo Bazán (entre Eijo Garay e Lamestra) e Curros Enríquez (entre Rosalía de Castro e Castelao) estarán pechadas ao tráfico desde as 8 da mañá ata as 20 horas da tarde deste domingo 18 de setembro. Realizaranse así xogos deportivos ao aire libre, haberá inchables, pintacaras, xogos tradicionais e unha ruta ciclista co Clube Ciclista de Burela.
A partir das cinco da tarde tomarán o relevo “As encaixeiras” palillando na rúa e a praza da Mariña acollerá unha mesa informativa coa participación de Mujeres en Igualdad, AECC, Asociación Saúde Mental A MAriña, Asociación Contra o Cancro de Burela, Asociación Camiña e AFAN. Rematarase a xornada cunha chocolatada, un taller de manualidades, clases de zumba, a actuación de Batuko Tabanka e a Festa da espuma.
O luns 19 será o alumnado de 4º de primaria do Ceip Virxe do Carme o que se sume ao programa “Andando ao colexio”, nun inicio de semana no que se habilitará un circuíto de educación vial na praza do Concello, que permanecerá ata o xoves 22.
Ademais, o martes 20 impartirase unha charla de educación vial sobre as normas, comportamentos e seguridade nas vías públicas para alumado de 4º de primaria dos Ceip Vista Alegre e Virxe do Carme guiado por persoal da DXT. Ao día seguinte, mércores 21, a charla irá encamiñada a aprender máis sobre as normas básicas de circulación para a rapazada de 1º da ESO dos Ies Perdouro e Monte Castelo. Este mesmo día tamén haberá un ensaio aberto ao público de Arume na praza da Mariña.
O último día da semana da mobilidade celebrada en Burela, xoves 22 de setembro, asistirán ao Circuíto de Educación Vial a Asociación Saúde Mental A Mariña, a Fundación Eu Son e a Asociación Camiña, finalizando a programación co sorteo da campaña “Eu na bici” na praza do Concello, que concluirá toda esta semana de actividades.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
