Mon Fernández defende esta alternativa “sólida e de futuro” para impulsar a reactivación industrial da comarca vinculada ao sector enerxético
Santiago de Compostela, 21 setembro 2022. O portavoz nacionalista de Industria, Mon Fernández, defendeu no Parlamento galego a creación dun centro de I+D+i para o almacenamento de enerxía, unha alternativa “sólida e con futuro, capaz de xerar emprego e atraer moitas outras empresas” que permitiría impulsar nas Pontes unha reactivación industrial vinculada ao sector enerxético e achegar certezas nun contexto de confusión e inseguridade no que “a situación da central térmica, e en consecuencia a situación da vila e da súa contorna, seguen igual, seguen sumidas na confusión e na improvisación”, o que, segundo recalcou, “fai que o impulso de alternativas sólidas e con futuro sexan prioritarias”.
Nunha proposición non de lei defendida na comisión parlamentaria de Industria, Fernández argumentou a idoneidade dun proxecto que, por unha banda, permitiría dar resposta á necesidade “urxente e estratéxica” de garantir a estabilidade do subministro na transición enerxética cara ás enerxías renovables, e, por outra, aproveitar a variedade de tecnoloxías existentes na contorna (hidráulica, eólica e gasística, así como a proximidade de instalacións industriais grandes consumidoras de enerxía) para testar a escala real as diferentes solucións que puideran promoverse desde ese centro tecnolóxico, o que serviría de polo atracción para que outras empresas do sector se instalaran nas Pontes ou na súa contorna.
“Coa constitución dun centro destas características poderiamos dar un salto cualitativo na cadea de valor da industria enerxética”, incidiu, para engadir a continuación que “poderiamos deixar de ser meros produtores de electricidade, como viñamos sendo historicamente, para ser tamén provedores de tecnoloxía, de coñecemento”, un aspecto que considerou chave para aproveitar a presencia de recursos enerxéticos e dunha industria transformadora como a térmica e o ciclo combinado de gas “para ascender nesa cadea de valor, entrando de cheo no que se denomina economía do coñecemento nun sector estratéxico e esencial como é o da enerxía”.
Logo de criticar ao PP o seu veto reiterado a esta alternativa, que o BNG xa defendeu no Parlamento galego hai dous anos, o deputado nacionalista recordou que, mentres, concretábase a creación en Estremadura dun Centro Ibérico de Investigación en Almacenamento Enerxético que poderá entrar en funcionamento a finais de 2023 cun investimento de 75 millóns de euros, a maior parte achegados polo Goberno estatal.
“E entón si, o PP en Galiza criticaba que se realizara ese investimento en Estremadura, pero sen aceptar a proposta para impulsar o das Pontes”, recriminou, logo de recalcar a participación no proxecto de Estremadura non só dos gobernos estatal e estremeño, senón tamén do portugués, “o que fai moito máis difícil de aceptar que non fose Galiza a escollida para instalar este centro”.
A xuízo do portavoz nacionalista de Industria, a importancia e os medios que estes tres gobernos conceden á constitución do centro estremeño e as expectativas que depositan nel, “reforzan as razóns e os argumentos que desde o BNG lanzábamos hai xa dous anos” e, neste sentido, considerou que o proxecto de Estremadura non supón un atranco para que se impulse outro dentro do Estado español, polo que reclamou á Xunta que fixe como obxectivo prioritario situalo nas Pontes e mesmo impulsalo con recursos propios, consignando xa as partidas necesarias nos próximos orzamentos.
Logo de advertir que “a Xunta foi incapaz de achegar ningunha solución, ningunha alternativa sólida e con futuro para a transición e a reactivación industrial das Pontes durante os últimos tres anos”, Fernández instou ao Goberno do PP a “cambiar o paso e cambiar de actitude” para asumir “as súas tarefas e responsabilidades de goberno, deixando de comportarse como se non fose máis que outro tertuliano ultra e impulsando alternativas con visión estratéxica, pero, sobre todo, con consignación orzamentaria”. Pese aos argumentos do deputado do Bloque, o PP xa adiantou durante o debate parlamentario o seu veto, unha vez máis, á proposta nacionalista.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
