“Esta lei non sería necesaria se o Goberno de Pedro Sánchez tivese feito os deberes e modificado xa a normativa básica”, manifestou Encarna Amigo
Santiago, 27 de setembro de 2022. O proxecto de Lei de medidas extraordinarias dirixidas a impulsar a provisión de postos de difícil cobertura na sanidade galega continuará a súa tramitación parlamentaria, coa previsión de que sexa aprobado no vindeiro Pleno, a pesar do voto en contra de BNG e PSdeG. A portavoz popular de Sanidade, Encarna Amigo, demandou aos grupos da oposición que “se aclaren, porque non se entende que pidan medidas de xeito inmediato para incrementar o persoal sanitario e cando se lles traen accións para aplicarse de xeito inmediato se opoñen e se queixan de que imos demasiado rápido”.
Encarna Amigo xustificou a tramitación por lectura única deste proxecto de lei porque “constitúe un paso plenamente coherente coa necesidade de actuar coa máxima urxencia e dilixencia posible para tentar resolver a falta de profesionais nos postos de difícil cobertura”, como é a atención primaria, os hospitais comarcais ou a saúde mental.
“Esta lei non sería necesaria se o Goberno de Pedro Sánchez tivese feito os deberes e modificado xa a normativa básica para garantir a cobertura deste tipo de prazas”, manifestou a portavoz popular, quen subliñou que “a Xunta está a suplir as carencias e a inacción do Goberno central, pois seguramente se agardásemos por el este problema non deixaría de agravarse”.
INCENTIVAR DETERMINADAS PRAZAS
Amigo afirmou que esta nova lei “non só conta co aval da Asesoría Xurídica da Xunta de Galicia, que entende xustificada a urxencia destas medidas e o carácter proporcionado do sistema de selección do concurso de méritos, senón que avanza nun camiño que marcaron o Congreso dos Deputados, nas conclusións do ditame da Comisión para a Reconstrución Social e Económica, e o propio Goberno central presidido por Mariano Rajoy, na reforma da Lei do Estatuto marco do persoal estatutario dos servizos de saúde co obxectivo de incentivar a provisión de prazas de difícil cobertura”.
“A cuestión clave reside na necesidade de incentivar determinadas prazas que levaban anos quedando vacantes en ofertas e concursos, principalmente en medicina de familia, hospitais comarcais e saúde mental”, dixo Encarna Amigo, que apuntou que esta lei “vai a darlles incentivos aos profesionais para optar a estas prazas, un sistema máis áxil de acceso, fixeza, maiores puntuacións en futuros concursos de traslados ou priorización en actividades de formación e investigación”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
