Na xornada de clausura inaugurouse a exposición itinerante de A Mariña Sen Plástico coa colaboración de entidades de inclusión social, que estará na Casa da Cultura de luns a venres de 11 a 13, e de 18 a 20 horas
Burela, 28 de setembro de 2022. O Concello de Burela vén de clausurar o proxecto Burela IN, unha iniciativa promovida a través da Delegación do Mar e Servizos Sociais que fomentou a economía circular mediante a colaboración de entidades de inclusión social, sector pesqueiro e Concello de Burela ao longo de dúas anualidades.
A xornada final reuniu ás entidades participantes para poñer en valor todo o traballo realizado e subliñar “a satisfacción de ver todas as accións xa rematadas e a implicación social nun momento no que é prioritario dar apoio ao sector pesqueiro, e tamén agradecer a todas as asociacións de corte social que traballan en Burela de xeito excepcional”, afirmou o alcalde, Alfredo Llano.
Foron entidades colaboradoras do proxecto Burela IN a Fundación Eu Son, a Asociación Saúde Mental A Mariña, Afan, A Mariña Sen Plástico, as Redeiras Cabo Burela, o Centro de Artesanía e Deseño da Deputación de Lugo, a Asociación Tá en Artes, Neira Brochs, a Confraría de Pescadores, a Fundación Expomar, os artistas locais Belén Mogo e Martín Lestao, a Consellería do Mar e o Galp Mariña-Ortegal, que financia este proxecto.
A concelleira de Servizos Sociais e Mar quixo destacar que “na xornada final a intención foi que todos eles ocuparan un lugar principal por ser os protagonistas, agradecéndolles enormemente o seu compromiso con esta iniciativa que se cadra ten máis valor aínda nestes días duros para o sector pesqueiro”, explicou, incidindo na necesidade de “crear redes entre toda a sociedade para facer unha fronte común e que todas e todos nos sintamos parte do que somos: unha vila que vive do mar e que loita por crear un futuro sostible compartido por todas as persoas e integrando todas as realidades”.
A Casa da Cultura acolleu esta última xornada cun espazo habilitado para a exposición de produtos elaborados polas entidades de inclusión social, así como a mostra itinerante de A Mariña Sen Plástico que se poderá visitar de luns a venres en horario de 11 a 13 e de 18 a 20 horas.
Deron a benvida aos asistentes o alcalde de Burela, Alfredo Llano, o presidente do Galp A Mariña-Ortegal, Javier Martínez, o deputado de Participación Cidadá da Deputación de Lugo, Roberto García, e o xefe territorial de Lugo da Consellería de Política Social, Javier Vázquez.
Realizouse unha mesa redonda coa presenza de representantes do propio concello, así como das entidades de inclusión social participantes, A Mariña Sen Plástico e Redeiras Cabo Burela. Proxectouse o vídeo do Burela IN e, para finalizar a xornada, autoridades, participantes e veciños contemplaron a exposición coordinada por A Mariña Sen Plástico, e tamén visitaron a obra dos artistas locais Belén Mogo e Martín Lestao, situada na contorna do porto de Burela.
Desde o Concello fixeron unha valoración moi positiva do Burela IN e das “sinerxias creadas entre todos os colectivos e entidades que participaron, involucrándose dunha forma exemplar e, por unha banda, concienciando á sociedade do importante de respectar o medio ambiente mariño e costeiro, e por outra, embelecendo o pobo con obras artísticas e mostras que aproveitan os recursos e refugallos derivados das actividades do mar e pesqueiras para demostrar que se lles pode dar unha segunda vida”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
