Os populares lembran que o alcalde mostrouse escéptico cando o PP presentou a moción que deu lugar á programación das melloras e que recentemente criticou á Consellería de Educación e Cultura
Foz, 3 de outubro de 2022. O grupo municipal do PP de Foz mostra a súa satisfacción pola próxima execución de obras de mellora do IES e afea ao alcalde, o socialista Fran Cajoto, que trate de apropiarse do resultado das xestións feitas por outros.
O portavoz popular, Javier Castiñeira, sinala: “O PP quere agradecer a presencia no IES de Foz do conselleiro de Educación, Román Rodríguez, para presentar as obras de mellora da eficiencia enerxética do edificio de Bacharelato e tamén dos antigos talleres de FP, do mesmo centro. É unha obra solicitada no seu momento polo grupo municipal do PP, mediante unha moción presentada ao principio da lexislatura e que, despois de todos os problemas xerados pola Covid-19, a Consellería de Educación da Xunta de Galicia decidiu retomar e metela nos orzamentos do ano 2022, o que levou a súa licitación e a súa próxima adxudicación e inicio, probablemente en novembro”.
Castiñeira explica: “Dende o PP de Foz mostramos a nosa satisfacción. O noso compromiso coa educación era claro cando estabamos no goberno; fixéronse entón obras importantes en todos os centros, un exemplo claro foi a do colexio número 1, moi similar á que se vai facer agora no IES. E o facemos dende a oposición, conseguindo esta obra de máis de 1,2 millóns euros. Será fundamental para a comunidade educativa en xeral, e para os nosos estudantes do IES de Foz, en particular. Foi a cooperación coa dirección do centro a que levou a traer esta obra para o noso concello”.
Os populares ven con sorpresa a actitude do alcalde, “que non fixo absolutamente nada por esta obras”. Aseguran que “cando o PP presentou a moción, Cajoto era escéptico en relación a que se levaran a cabo e, hai poucos días, criticou a Cultura e apoiou moción do BNG criticando o labor da Consellería e agora pretende apuntarse a algo no que non participou en absoluto”.
Castiñeira di: “Esperemos que Cajoto non poña pegas ás obras. Xa nos conformamos con iso. A actitude do alcalde intentando coller as xestións que fan os demais non nos sorprende; xa o facía como candidato e sigue a facelo agora como alcalde. O PP vai seguir traballando para conseguir obras importantes para Foz, igual que fixemos coa depuradora e con esta do IES, e con outras moitas”.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
