O goberno local explica que “o Concello debería achegar 64.000 euros, pero como o Ministerio non actualizou as cantidades coa suba dos prezos, agora tería que aportar preto de 120.000 euros e por iso se replantexou a actuación”
Mondoñedo, a 4 de outubro de 2022.- O Concello de Mondoñedo acomete con fondos propios as obras máis necesarias na Praza da Catedral en relación á mellora da accesibilidade, a instalación de varandas e a retirada dos contedores soterrados.
O Concello dirixe máis de 56.000 euros ao acondicionamento deste espazo para o seu uso público coa finalidade de mellorar a súa imaxe e tamén favorecer a accesibilidade para persoas con mobilidade reducida.
As actuacións proxectadas inclúen o desmontado do pavimento empedrado así como dos escalóns do cantón despois dos necesarios traballos previos de seguimento arqueolóxico “tendo en conta que é un lugar emblemático con moitos anos de historia que, precisamente por iso, debemos conservar nas mellores condicións posibles sendo, ao mesmo tempo, útil para os veciños e veciñas de Mondoñedo”.
Tralos traballos de cimentación, o proxecto recolle a construción de muros de granito, a recolocación do pavimento de adoquíns no muro norte e a pavimentación con lousas rectangulares de granito na rampa.
A actuación complétase con outro equipamento coma a colocación de varandas de aceiro na rampa. Así mesmo, serán reparados ou substituídos os faroles colgantes do cantón por outros iguais e tamén se cambiarán as lámpadas por sistemas LED. Os traballos previsto inclúe tamén a retirada dos contedores soterrados.
Aceptar a axuda do Ministerio supoñíalle ao Concello aportar 120.000 euros
A voceira do goberno, Ángeles Rodríguez, explica que “a parte que debería aportar o Concello con fondos propios para aceptar a proposta do Ministerio era nun primeiro momento de 64.000 euros; pero, tendo en conta que o Ministerio non actualizou as cantidades atendendo á suba dos prezos, o proxecto previsto esixía ao Concello facerse cargo de aportar un importe superior aos 120.000 euros. Por iso houbo que replantexar a actuación”.
O goberno local sinala que “esta situación foi explicada debidamente a tódolos grupos con todos os datos”. Nese sentido, lamentan que “o único que pretenda o grupo socialista sexa endebedar ao Concello”.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
