Foz, 18 de outubro de 2022. O Concello de Foz licita as obras de humanización das rúas Eduardo Pondal, Salvador de Madariaga, Irmandiños, Curros Enríquez e Praza de Galicia por un importe de total de 767.720,21 euros (IVE incluído), que son financiadas conxuntamente pola Deputación de Lugo (544.000 euros) e o Concello de Foz (224.000 euros). O prazo de presentación de ofertas remata o 7 de novembro.
O alcalde de Foz, Fran Cajoto, agradece á Deputación de Lugo e en especial ao presidente, José Tomé, a comprensión e o apoio que demostra cos problemas que ten Foz: “Avanzamos na mobilidade, actuando nunha rúa que é básica para Foz como é a baixada das Casas Baratas. Imos contar con beirarrúas de 2 metros de anchura e pasos de peóns elevados para reducir a velocidade e mellorar a seguridade dos peóns. E levarase a cabo renovación de servizos, nova rede de pluviais e pavimentación, tamén nos viais que conforman a Praza de Galicia. É unha obra prioritaria para conectar o centro urbano coa praia da Rapadoira e o Campo da Cabana”.
Fran Cajoto tamén informa do estado de avance de outras obras en curso:
Rúa Costa do Castro: “A mediados da próxima semana Construcciones Isidro Otero retomará os traballos na urbanización da rúa Costa do Castro. Nesa data desprazará os equipos de estendido de aglomerado para estender a capa definitiva de rodadura en Costa do Castro e aglomerar a Rúa do Cemiterio e a da Fiallega, como está previsto. Proseguirán os traballos coa continuación da beirarrúa dereita ata o cemiterio como senda de formigón, a execución do miradoiro no Pico do Castro e a colocación de farolas e resto de mobiliario urbano”. A través do convenio asinado para esta obra a Deputación de Lugo financia 466.800 euros e o Concello de Foz os 116.720 euros restantes.
Renovación de abastacemento da rúa Eduardo Pondal: “A comezos da semana próxima comezarán as obras de renovación da tubaxe de abastecemento en Eduardo Pondal, substituíndo a actual condución de fibrocemento por unha canalización de fundición dúctil de 200 milímetros de diámetro. Con isto evitaremos os problemas de roturas continuos que temos nesta rúa. As obras foron licitadas por o procedemento de contrato aberto e adxudicadas a Gestagua por un importe de 62.025,41 euros. A obra está financiada con cargo a fondos propios municipais.
Pista multideporte do colexio O Cantel: “Esta é unha infraestrutura deportiva que vai dar servizo ao colexio do Cantel en horario lectivo e a todas as veciñas e veciños de Pintor Laxeiro e do Concello de Foz fóra das horas de clase. As obras van comezar xa esta mesma semana. Están adxudicadas polo procedemento de contrato aberto á empresa Serviplus Total SL en 83.777 euros e están financiadas pola Consellería de Cultura, Educación, Formación Profesional e Universidades con 62.533 euros, sendo aportados 21.244 euros de fondos propios municipais”.
Obras de mellora da Sala Bahía: “Adxudicadas á empresa Calicanto Obras y Proyectos en 133.392,34 euros, vanse a substituír ventás e portas, dispoñer dun novo sistema de climatización e pintar o edificio. O obxecto é conseguir unha sala multiusos máis eficiente e cómoda, renovando por exemplo un sistema de calefacción obsoleto e que resulta incompatible cunha representación teatral polo ruído que xera. As obras están en curso, no proceso de fabricación da carpintería exterior. As melloras son financiadas con 93.248,25 euros de fondos propios municipais e 40.144,09 euros xestionados polo Agadic procedentes dos fondos Next Generation da Unión Europea a través do Plan de Recuperación, Transformación y Resiliencia Estatal”.
O alcalde engade que recemente o Concello de Foz celebrou as mesas de contratación para a mellora de camiños en Cangas, Nois, Fazouro, San Acisclo, San Martiño e Vilaronte por 112.591,28 euros e de acondicionamento do Camiño da Cruz e saneamento en Mañente por 43.943,71 euros, con cargo ao Plan Único 2022 da Deputación de Lugo.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
