Ribadeo, 19 de outubro de 2022. Esta semana deu comezo na Casa do Concello de Ribadeo a primeira acción formativa do programa Galegas Dixitais, que busca mellorar as competencias dixitais das mulleres residentes en municipios de menos de 30.000 habitantes.
Máis de 20 mulleres desempregadas ou en situación de mellora de emprego cursan o primeiro dos tres bloques formativos do programa: Competencias dixitais básicas, de 40 horas de duración.
Durante as dúas próximas semanas, en horario de 9 a 14 horas, as alumnas recibirán formación dixital inicial sobre contidos como o uso básico do sistema operativo, xestión de arquivos, tratamento da información, procura da información, correo electrónico ou seguridade informática.
Unha vez superado este módulo, as alumnas realizarán a continuación os dous bloques seguintes, Competencias dixitais avanzadas e Competencias para o emprendemento, tamén de 40 horas de duración cada un deles.
Dende a Área de Desenvolvemento Local do Concello o seu responsable, Pablo Vizoso, valora positivamente que “gran parte das alumnas participantes en accións formativas similares impartidas polo Concello a principios deste ano, dentro do Programa Ribadeo Suma Emprego, poidan sumarse agora a este novo proxecto, organizado pola Consellería de Emprego e Igualdade, e financiado pola Unión Europea, no marco do Plan de Recuperación, Transformación e Resiliencia. A formación será impartida por Be Project Consultores”. O edil ribadense asistiu ao arranque desta actividade.
Ao remate do programa completo, a principios de decembro, as persoas participantes recibirán un título oficial acreditativo, ademais do equipo portátil co que realizaron o curso, co obxectivo de que os contidos formativos adquiridos se trasladen á práctica na vida real.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
