Non creo que ninguén despois das declaracións do noso alcalde, D. Edmundo Maseda, fose capaz de entender de que estaba a falar pois, excepto os insultos que dedica a todos os membros da oposición, só queda claro que o noso máximo representante desbócase cada vez que non se lle permite dispoñer dos cartos que o Concello ten no banco (o famoso remanente do que tanto presume). Eu, como representante dos Independentes do Valadouro (UDIVAL) quero aclararlles ós veciños o acontecido na última sesión plenaria e a nosa postura.
No 2021 o goberno do Valadouro solicitou ó Pleno incorporar case medio millón de euros para facer fronte a numerosos gastos que tiña comprometidos así como o “ansiado” soldo da alcaldía. Naquel momento logrou votos bastantes,sen o noso apoio, e puido dispoñer deses cartos.
Este ano, cos presupostos recentemente aprobados, resulta que ó noso excelentísimo alcalde vólvenlle a faltar de novo nada menos que outros catrocentos e pico mil euros para cubrir os gastos do trimestre que nos queda para rematar o ano. Eu, dentro da miña ignorancia e das miñas limitacións de formación, que me recorda pleno tras pleno D. Edmundo, non logro entender como o responsable das arcas municipais pode embargar ó Concello en gastos superfluos e comprometerse con subvencións, cando debería ser consciente de que carece de cartos para facerlles fronte. A situación e tan grave que o alcalde esta vez ata nos pedía cartos para pagar brocas, luvas, anciños,… Vistas estas explicacións cómo non pensar que non sabe administrar????.
Nós non dubidamos do traballo da Secretaria nin da Traballadora Social, igual que non dubidamos de que se precisen cartos en algunha partida pola alza do prezos ou porque xurdiran imprevistos, pero está claro que quen debe administrar os cartos dos que dispoñemos nas arcas municipais e os bens e servizos do Concello é o Alcalde, non a Secretaria nin a Traballadora Social.
Respecto a que os cartos de determinadas partidas non se poden destinar para outros fines, quero aclarar que isto non é totalmente certo. Por poñer un exemplo, no punto en que se trataba de incrementar os cartos para a Axuda no Fogar incluíanse as axendas que se deron no colexio ós nenos, así que o propio alcalde recoñece que as pagou, ou as pretende pagar, con cargo a esta partida. ¿¿¿Alguén me pode explicar a conexión entre a asistencia ós nosos maiores e as axendas escolares????. Non teño nada en contra de entregar axendas pero se non hai cartos tal vez teriamos que priorizar.
O que queda claro é que se está a gastar por encima das nosas posibilidades, facendo compras ou actuacións das que os veciños non están a sacar beneficio. Tamén queda claro que ó longo do ano non se teñen en conta as necesidades básicas e se gardan cartos para cubrilas, pois se pensa que como existen cartos no banco “o Pleno proveerá “. Pero os aforros municipais son de todos os veciños e non son para cubrir “caprichos” (como a colección de tractores que estamos a crear e que traen consigo o incremento de gastos en seguros, mantemento , arreglos…, a “Escola Ecolóxica”, para a que tamén se pedían cartos, ou distintas actuacións ou inversións que se están a facer).
Este pleno foi un baño de realidade que, analizando as declaracións feitas polo noso “estimado” alcalde, ESCALDÓUNO un pouquiño e a ferida non lle deixa ver que existe o noso compromiso e do resto da oposición de que, no momento en que se nos presenten as contas detalladas, os gastos non superfluos, como cubrir á atención dos nosos maiores e os o incremento dos soldos dos traballadores, serán aprobados.
Cando os Independentes formamos parte do goberno municipal sempre partimos da máxima de NON GASTAR NIN UN EURO MÁIS DO QUE HAI. Tal vez sexa o momento de que tome nota deste modo de traballar e que dedique máis tempo á administración e menos á prepotencia e continuas faltas de respecto que pon de manifesto tanto nas sesión plenarias como nos seus comunicados.
Moitas grazas.
María J. Fdez Díaz
Representante de UDIVAL
PD.- Cando vaia as clases, que tanto me recomenda, para incrementar a miña formación, tal vez debería acompañarme algunha vez pois, dende as miñas carencias académicas que vostede me recorda continuamente, creo recordar que: “para habernos matado” es con H y con B.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
