Burela, 15 de novembro, 2022. Esta tarde ás 20h30 no Pavillón Vista Alegre o CD Burela FS enfrontábase a un dos encontros máis complexos deste año, ante un dos mellores equipos da Liga Nacional de Futbol Sala de Primeira División, o Viña Albali Valdepeñas, na Cuarta Eliminatoria da Copa do Rei, saíndo airoso cun 3-0, aparentemente máis doado do que debería, ante un “tenro” Valdepeñas que non consegue dar o nivel que esixe a competición.
Comeza o encontro e no minuto 2 Pitero adianta o marcador 1-0. Comeza a animarse o Burela FS e as primeiras rotacións, Rikelme, Nando e Isma. Comeza tamén o espectáculo do porteiro Michal Kaluza que fixo un partido incríble, deixando ao Valdepeñas sen goles no marcador a pesar de crear bastantes momentos de perigo que o porteiro polaco deixou en ocasións. O partido mantense 1-0 ata o descanso, cun Viña Albali nervoso e equívoco, que non consegue encaixar o gol.
No minuto 22, xa na segunda parte, Eloy marca o 2-0 que continúa activando ao Burela FS e afundindo ao Viña Albali Valdepeñas, que acaba recurrindo ao porteiro-xogador e arriscándose ao 3-0 que finalmente se fai realidade cun gol de M.Kaluza, sen dúbida o protagonista do encontro, con polo menos 5 paradóns e un gol que sentenciará o marcador co 3-0 final no minuto 37.
Despois dun partido de 10 por parte do equipo burelense agora toca celebralo, descansar e centrarse nos sábados, importantes para gañar os tres puntos semanais aproveitando a boa dinámica e seguir desfrutando dos encontros da Copa do Rei, sen presión, sen complexos e con decisión e atrevemento, demostrando a frescura dun equipo sempre con ganas de levarse máis alegrías. E se son en Vista Alegre, mellor.
Ficha Técnica:
CD Burela FS: M.Kaluza, Lucho, Pitero, David Pazos, Eloy – cinco inicial- Bruno Expósito, Isma, Nando, Rikelme, Alberto Mirás, Antón, Bruno.
Viña Albali Valdepeñas: Edu, Lazarevic, Batería, Abbasi, Boyis, – cinco inicial- Claudino, Lemine, Ivi, Rafael Rato, Bynho, Nano, Matheus Preá, Óscar de la Faya.
Goles: Min.2 Pitero 1-0; Min.22 Eloy 2-0; Min.37 M.Kaluza 3-0.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
