Burela, 29 de novembro, 2022. A Fundación Impulso ao Deporte, Cultura e Turismo na Mariña (Imdecum) presentou este ano o Festival Audiovisual da Mariña Imaxiña 2022, en Burela. Nesta edición colaboran o artista plástico, músico e fotógrafo viveirense David Catá, o artista plástico e fotógrafo xovense Mateo Guerreiro, o director e productor audiovisual Xaime Miranda e a fotógrafa Sabela Blanco, os dous de Cervo.
O Festival Audiovisual da Mariña cumpre a súa 11 edición, sendo fiel a un concurso que busca aflorar as inquedanzas culturais dos estudantes e diferentes colectivos da Mariña Lucense. Preténdese introducir aos mariñáns no ámbito audiovisual, ofrecerlles a oportunidade de expresar o que senten pola súa terra a través da imaxe, empregando os soportes tecnolóxicos do seu día a día.
Por outro lado, tamén aspira a promover a integración e inclusión de todas as persoas a través de actividades nas que participen tanto centros de ensino coma asociacións e fundacións dirixidas a persoas con diversidade funcional.
HISTORIA DO FESTIVAL
En 2011, o festival Imaxiña deu os seus primeiros pasos descubrindo o mundo do audiovisual no IES Monte Castelo, a través dun obradoiro creativo de vídeo ‘Fotografía en Movemento’, coa participación do pintor xovense Xoán Guerreiro, a comunicadora cervense Sabela Blanco e o profesor de Debuxo e Artes do Monte Castelo Pedro Cabarcos, ademais dunha charla sobre fotografía da reporteira gráfica de La Voz de Galicia Pepa Losada. Na segunda edición, a iniciativa, coa colaboración fotógrafo focego Xulio, estendeuse aos IES Marqués de Sargadelos, Vilar Ponte e Dionisio Gamallo Fierros, cunha excelente resposta no concurso, con fermosas e orixinais visións da Mariña. En 2013, incorporáronse o María Sarmiento e o Illa de Sarón, nunha edición apadriñada polo polifacético artista viveirense David Catá.
OBRADOIROS
Imaxiña, baixo a organización de Imdecum, coma cada ano, combinará obradoiros de fotografía cun atractivo concurso final, dirixido aos centros de ensino secundario e a Asociacións ou Fundacións adicadas á axuda ás persoas con diversidade funcional.
Co apoio da Área de Cultura e Turismo da Deputación de Lugo, o festival Imaxiña xa realizou en maio deste mesmo ano un taller fotográfico, da man de David Catá, no IES Alfoz-O Valadouro, para que o seu estudantado se achegue ao mundo da imaxe.
Durante a mañá do día 15 de decembro, Xaime Miranda e Sabela Blanco impartirán un taller fotogáfico a persoas con diversidade funcional en ASPANANE de Viveiro, no que aprenderán conceptos fotográficos relacionados con “aprender a mirar” para procurar animar ás persoas destas entidades a desenrolar as súas salientables dotes creativas, aplicadas á imaxe dixital.
CONCURSO FOTOGRÁFICO
Na segunda fase do festival, o concurso fotográfico, poderán participar todas aquelas persoas que estean cursando estudos de formación (ESO, ESA, bacharelato, ciclos formativos…) durante o ano académico 2022-23 nos institutos IES Monte Castelo (Burela), IES Perdouro (Burela), IES Dionisio Gamallo (Ribadeo), IES Marqués de Sargadelos (San Cibrao), IES Vilar Ponte (Viveiro), IES María Sarmiento (Viveiro), IES Illa de Sarón (Xove), IES Alfoz-O Valadouro e IES de Foz. A apertura de prazo para presentarse no concurso comeza o luns 21 de novembro de 2022, e remata o 30 de decembro do mesmo ano.
Así mesmo estará dirixido a@s usuari@s da Fundación Eu Son, Asociación Saúde Mental A Mariña, Asociación Camiña e ASPANANE.
Existindo dúas categorías diferenciadas para cada ámbito, unha de “Estudiantes” e outra de “Persoas con diversidade funcional” o tema común a tratar será: A Mariña e o prazo de recepción de imaxes remata o día 30 de decembro. En ambas categorías poderanse presentar un máximo de 3 fotografías.
Os traballos deben mandarse a través do servidor www.wetransfer.com ao correo electrónico: contacto@imdecum.com
Na mensaxe de envío deberán figurar nome e apelidos do concursante, DNI, centro e curso, teléfono de contacto e correo electrónico de contacto.
Durante o mes de xaneiro, o xurado, composto polos colaboradores do festival, decidirá cales son as mellores imaxes e farase un acto de entrega dos premios e unha exposición.
DATAS DE INTERESE
Luns 21 de novembro de 2022: Apertura do prazo de presentación para o concurso.
Venres 30 de decembro de 2022: Data límite de presentación de fotografías para o concurso (ata as 00.00 horas).
Xaneiro de 2023: Entrega de premios e inauguración da exposición.
PREMIOS
Haberá un premio por categoría, tratándose dun vale por material fotográfico/videográfico de 150 euros.
– Na categoría de “Estudantes” o autor ou autora da mellor imaxe será galardonado cun vale por material fotográfico / videográfico de 150€.
– Na categoría de “Persoas con diversidade funcional” a entidade (asociación ou fundación) da que o gañador ou gañadora sexa usuaria será beneficiaria dun vale por material fotográfico/videográfico de 150 euros.
XURADO E CRITERIOS DE SELECCIÓN
O xurado estará composto por membros da Fundación, así como polos artistas mariñáns que colaborarán na presente edición. O xurado poderá reservarse o dereito de facer unha preselección das mellores propostas, con votación final en redes sociais.
Os criterios de selección serán:
-A transmisión dun concepto claro.
-A orixinalidade.
-A técnica: composición, luz e encadramento.
Adxúntanse o cartel e as bases do concurso.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
