Patricia Otero alerta de que esta mesma semana “só hai pediatra dous días” para atender aos 1.600 nenos e nenas de Viveiro, Ourol e O Vicedo
Santiago de Compostela, 15 de decembro de 2022. A parlamentaria socialista Patricia Otero esixiulle hoxe á Consellería de Sanidade que garanta os dous pediatras que lle corresponden ao Centro de Saúde de Viveiro. A responsable socialista presentou unha pregunta oral na Comisión de Sanidade na que alertou da desatención sanitaria nun Centro de Saúde que atende a 1.600 nenos e nenas de Viveiro, Ourol e O Vicedo, e que esta mesma semana só contará con pediatra durante dous días.
Otero levou ao Parlamento a situación “inaceptable” da situación sanitaria para os menores nesta localidade, que logo de “longas temporadas” tan só cun dos dous pediatras que lle corresponden, en novembro agravouse cando “chegaron a faltar os dous profesionais”. Daquela a primeira data dispoñible remontábase a mediados de decembro, mentres o Sergas recomendaba derivar aos menores ao servizo de Urxencias do Hospital de A Mariña.
A situación derivou nunha ampla manifestación diante do Centro de Saúde reclamando a cobertura estable das dúas prazas, mentres o Centro de Saúde afrontaba a semana dos festivos do Día da Constitución e a Inmaculada Concepción sen ningún pediatra no centro en plena época de catarros e gripes. Sinalou que “hai familias con nenos pequenos con patoloxías que necesitan do seu médico, e vostedes estanlle a dicir que non se poden acostumar a ter pediatra en tódolos centros”.
Patricia Otero sinalou que a situación de hoxe demostra as consecuencias de 13 anos de “mala planificación” da xestión sanitaria por parte do goberno galego, e responde á folla de ruta marcada pola dirección do Sergas. Lembroulle á nova xerente, Estrella López – Pardo, que foi ela en primeira persoa quen debullou o seu obxectivo nunha entrevista en outubro, sinalando que “La población tiene que entender que no podrá haber pediatra en cada Centro de Salud”.
Explicou que agora mesmo hai 192 concellos sen servizo de Pediatría, que non só seguirán así, senón que “a súa intención é recurtar e eliminar pediatras nos Centros de Saúde” que aínda o teñen, nos que “periga pola súa mala planificación” sanitaria.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
