Non, non debera, pero iso non impide que pase, como estamos a ver. Refírome á campaña desenrolada pola Xunta de Galicia, en teoría para previr a violencia de xénero. E non, non ó texto principal do cartel, que tamén reza ‘Non debería pasar, pero pasa’, un pouco máis abaixo de poñer ‘vístese coas mallas de deporte, vai correr pola noite, que sucede agora?’, acompañándoo dunha liña que o relaciona coa muller correndo, por se non estivera clara a mensaxe. Por suposto, ambas cousas están relacionadas.
E que sucede? O primeiro que sucede é que o cartel, a campaña, transmite unha mensaxe que encadea os feitos inducindo a pensar que a causa ‘do que suceda agora’ (que pola redacción non é que poda suceder, senón que sucederá), si, a causa, é que quen se ve na imaxe, unha muller, se vista de deporte e o faga cando e onde quere e/ou pode. Algo -a causalidade- que se vería incrementado, remarcado, canto máis identificada se poda sentir a muller coa da imaxe: nova, despreocupada, que quere manterse saudable e desfrutar da vida… É dicir, que a muller está tirando máis pedras riba de si, que se verá máis afectada, canto máis vital e máis persoa libre se sinta. En consecuencia, se queres evitar o que ‘sucederá’, cúbrete, queda na casa, non saias, ten medo, non sexas culpable… que non che pase! Iso si, quede claro que ‘non debería pasar’.
Parece unha referencia a unha profecía autocumprida. Si, desas que polo feito de enunciarse están xa a poñer as condicións, o camiño, para que se cumpra. Neste caso, aliviando culpa de quen ‘fai que pase’ para trasladala a quen ‘sofre que pase’.
O cartel, a campaña leva o selo de ‘igualdade’. Coido que é para chegar á conclusión neste caso, de que debe referirse a algo así como ‘igualdade de culpa’ entre quen fai que pase e quen sofre que pase. De seguro que o que no cartel apareza unha muller e non un home é debido a que hai que potenciar á muller, facela máis visible na sociedade Non?
Comentario fóra do texto anterior:
E logo falan de adoutrinamento nas escolas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
