A Deputada de Réxime Interior, Promoción do Territorio e Turismo, xunto coa Alcaldesa, Elba Veleiro, visitou os postos dos produtores chairegos que puxeron á venda preto de 2.000 exemplares nesta tradicional feira, coa que colabora a institución provincial e que reuniu a centos de persoas na Praza da Constitución da vila
Lugo, 21 de decembro de 2022, A Deputada de Réxime Interior, Promoción do Territorio e Turismo, Pilar García Porto, xunto á Alcaldesa de Vilalba, Elba Veleiro, visitou este mércores a Feira do Capón celebrada na capital chairega, na que produtores da comarca puxeron á venda preto de 2.000 exemplares. Centos de persoas chegados de toda Galicia e doutras comunidades ateigaron a carpa instalada na Praza da Constitución para facerse cun destes exemplares que reinará nas mesas de media España esta cea de Noiteboa ou na comida de Nadal. A Deputación colaborou na difusión desta edición cun documental elaborado polo Servizo de Audiovisuais da institución.
Pilar García Porto felicitou ao Concello por promover “a recuperación desta feira con dous séculos de historia, e convertela no que é hoxe: unha sinal de identidade, para vilalbeses e vilalbesas, e para toda a comarca da Terra Chá, pero tamén para toda a provincia de Lugo”.
A Deputada, acompañada da Alcaldesa e outras autoridades, fixeron un percorrido polos postos dos criadores para comprobar a calidade deste manxar e trasladoulles os seus parabéns porque “hoxe culminan un intenso traballo artesanal de 8 meses, para presentarnos un produto de máxima calidade”. “O seu traballo, de cada un do medio cento de criadores que se encargan de criar este manxar son o claro exemplo do presente e do futuro do noso rural”, destacou.
Pilar García Porto participou tamén na entrega de premios aos criadores e subliñou que “falar de capón, é falar da nosa cultura, das nosas raíces, pero tamén da nosa capacidade para apostar por unha actividade agrogandeira que aporta produtos de primeira calidade para o mercado e para a gastronomía”. Dende a Deputación de Lugo, engadiu, “temos un claro compromiso co sector primario, coas persoas que traballan para manter vivo e impulsar o noso rural, e por iso, como non podía ser doutra maneira, colaboramos con esta cita”.
Os premios recoñeceron o traballo a mellor criador a Oliva Souto; mellor cesta para Francisca Castiñeira; mellor par para Jesús Pérez; o de maior número de exemplares traídos á feira recaeu en Oliva Souto; e o galardón especial á mellor traxectoria en Jesús Domínguez.
Ademais do Capón de Vilalba, que conta coa Indicación Xeográfica Protexida, na feira puxéronse á venda outros produtos típicos da zona, entre eles, o Queixo San Simón da Costa con Denominación de Orixe, así como doces como o roscón e a rosca.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
