O Alcalde de Ribeira de Piquín, Roberto Fernández Rico, demanda ao Conselleiro de Sanidade que dea explicacións “pola falla de médico no centro de saúde no Chao do Pousadoiro”
Ribeira de Piquín, 10 de xaneiro de 2023. O Alcalde de Ribeira de Piquín, Roberto Fernández Rico, demanda ao Conselleiro de Sanidade que dea explicacións “pola falla de médico no centro de saúde” do seu concello.
O rexedor denunciou que levan “sen médico que atenda directamente dende principios de decembro”. “Aquí temos un médico cando coincide e non sabemos cando estará ou non. Non pedimos que se amplíe ningún servizo, simplemente pedimos que haxa un médico diario no Chao do Pousadoiro, a capitalidade municipal”, insistiu.
Ante esta grave situación, a Deputada Autonómica do PSdeG Patricia Otero avanzou o rexistro dunha batería de iniciativas parlamentarias coas que reclama á Xunta repoñer, de xeito inmediato, o servizo de atención médica diaria no Centro de Saúde de Ribeira de Piquín. Na proposición rexistrada, os socialistas advirten de que este ambulatorio conta cunha única praza de médico asignada, “pero dende finais de novembro do ano pasado, esta praza atópase vacante por traslado do seu titular a outro centro”.
A Deputada asegura que “non se trata dunha situación puntual como alegan dende o Sergas, senón que se converteu nun problema estrutural, xa que a situación está a empeorar e a Xunta de Galicia non toma ningunha medida para revertela”. Precisamente nestes dias, denunciáronse recortes na atención pediátrica da zona da Ribeira Sacra, xa que moitos centros de saúde do sur da provincia estiveron sen servicio de pediatría. E tamén na Mariña, onde os máis de 1.800 nenos e nenas de entre 0 e 15 anos, do concellos de Viveiro, O Vicedo e Ourol, volveron quedar sen pediatra esta mesma semana.
Por iso, demandarán explicacións no Parlamento de Galicia, “para coñecer cando vai repoñer a Xunta o servizo diario de atención médica, e preguntan se o Goberno galego considera que a asistencia sanitaria en Atención Primaria está cuberta de maneira plena, estable e total para a veciñanza de Ribeira de Piquín e a parroquia fonsagradina de Carballido”.
Veciñanza que precisa máis seguimentos
Sinalan ademais que o concello de Ribeira de Piquín conta cunha veciñanza cunha media de idade moi avanzada, que precisan de máis seguimentos médicos, “polo que reclaman a recuperación da atención médica diaria no seu centro de saúde”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
