Viveiro, 11 de xaneiro de 2023. No día de onte tivo lugar a celebración do pleno ordinario do mes de xaneiro, no que, igual que sempre, dende a pandemia, se permitiu a participación telemática por parte dos concelleiros, co fin de facilitar a súa asistencia. Neste pleno participaron telematicamente dous concelleiros, unha delas a voceira do BNG.
Ao inicio da sesión plenaria, detectáronse problemas de conexión, que impedían a comunicación entre os concelleiros presentes e os que participaban telematicamente. Solventada inicialmente esta cuestión, deu comezo o pleno e durante o tratamento do primeiro punto da orde do día non se produciron incidencias.
Chegado o segundo punto, a Concelleira do BNG manifestou que non podía escoitar as intervencións dalgúns concelleiros. Ante esta circunstancia, por parte da Alcaldesa, sen que ninguén o solicitase e como unha medida para garantir o desenvolvemento do pleno con total normalidade, decisiuse suspender a sesión para solventar as incidencias de conexión, pospoñendo a súa celebración.
Tendo en conta as declaracións manifestadas ao respecto tanto pola propia voceira do BNG, como polo voceiro do PP, nas que se vincula este problema técnico de conexión entre os participantes do pleno coa retransmisión dos plenos, cómpre realizar varias aclaracións.
O problema de conexión entre os participantes que sucedeu no día de onte foi un feito totalmente illado. Dende a pandemia é habitual a conexión telemática por parte dalgún concelleiro, sen incidencias de conexión relevantes, como a acontecida no día de onte, ata o momento.
Nada ten que ver este problema de conexión coa retransmisión dos plenos. Somos conscientes das deficiencias que algunhas veces se producen no son das retransmisións, pero é evidente que se trata de cuestións diferentes. O Concello de Viveiro vén retransmitindo os plenos, como mostra de transparencia, cos medios propios dos que dispón, sen tratarse dunha cuestión obrigada.
As sesións plenaria son públicas e calquera veciño ou veciña que o desexe pode asistir; son totalmente transparentes e o goberno municipal nada ten que ocultar. Por este motivo, non se entenden as declaracións realizadas ao respecto da suspensión deste pleno por parte do BNG e do PP, nas que se utiliza este feito illado para sacar rédito político e acusar de falta de transparencia ao goberno municipal.
As sesións plenarias son a expresión máxima da corporación municipal, concebidas para o debate político e a adopción de acordos en prol da cidadanía, non para o uso mediático como vén facendo nos últimos tempos a voceira do BNG. Os plenos merecen o máximo respecto e, pola contra, as últimas sesións, coas actuacións da voceira do BNG distan moito do respecto merecido.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
