Ribadeo, 30 de xaneiro de 2023. O alcalde, Fernando Suárez, agradece a visita da presidenta de Portos de Galicia hoxe á vila, ocasión que aproveitou para reclamarlle que Ribadeo dispoña dun plan especial de ordenación portuaria, que se instalen puntos de luz no vieiro autonómico de baixada ao porto comercial así como a modernización da rúa Buenos Aires, que tamén é titularidade de Portos de Galicia.
O rexedor dixo: “agradecemos a visita da presidenta de Portos de Galicia, que veu hoxe a Ribadeo a contarnos novidades sobre algúns aspectos relevantes do que vai ser a dragaxe da canle de entrada ao porto comercial e tamén ao porto deportivo”.
Suárez Barcia explicou que “aproveitando esta visita reiterámoslle o que formal e informalmente lle levamos dito, tanto a esta presidenta como ao anterior presidente anos atrás: que é necesario que Ribadeo dispoña dun plan especial de ordenación portuaria.
Hai que ter en conta que en Ribadeo afortunadamente contamos cun plan xeral de ordenación municipal, tramitado polo Concello e aprobado xa no 2015; contamos cun plan especial do conxunto histórico do casco vello de Ribadeo, tramitado polo Concello e aprobado hai 2 anos, pero non hai un plan especial de ordenación portuaria, que debe ser tramitado por Portos de Galicia en conxunción co Concello, pero debe ser impulsado por eles, e desde hai varios anos vemos que a documentación non nos chega, o que é unha pena porque mentres tanto isto non estea aprobado determinadas accións no ámbito portuario, tanto en Mirasol como en Porcillán, non se poden levar adiante. É unha magoa porque Ribadeo conta con todos os instrumentos de planeamento, aprobados e vixentes, menos este plan de ordenación portuaria. Así que pedímoslle unha vez máis que axilicen porque poucos concellos teñen todos os instrumentos aprobados e é unha pena que isto non vaia adiante”.
O alcalde ribadense tamén lle fixo chegar outras demandas á presidenta de Portos de Galicia: “por outra banda, no que ten que ver coa baixada ao porto comercial, este vial autonómico non ten luz, o que é unha demanda de moitos veciños que transitan por alí de noite e faise perigoso; por iso pedímoslles que incorporen unha serie de puntos de luz. Tamén lles solicitamos que procedan a modernizar a rúa Buenos Aires, que tamén é titularidade de Portos de Galicia, non do Concello de Ribadeo; polo tanto conviña, igual que viñemos facendo nosoutros no ámbito urbano nestes últimos anos mellorando e humanizando as rúas, que nesta, que é de Portos de Galicia, tamén se aplicaran o conto e intentaran darlle un cambio substancial; de seguro que os veciños e veciñas dese entorno o ían agradecer moito”.
Acompañaron a Fernando Suárez esta mañá a concelleira de Obras, Mónica Freire, e o edil de Economía e Desenvolvemento Local, Pablo Vizoso.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
