Os populares instan ao Goberno central “a manter a interlocución con Altri, para que a empresa poida identificar claramente os apoios ao investimento”
Palas de Rei, 2 de febreiro de 2023. Senadores do PP por Lugo mantiveron unha reunión en Palas de Rei con alcaldes e portavoces populares na comarca para abordar cuestións relacionadas coa implantación da fábrica de fibras téxtiles que promove Altri neste municipio lucense, e, sinaladamente, para reclamar, unha vez máis, un compromiso claro do Goberno, presidido por Pedro Sánchez, con este proxecto fundamental para Lugo e para Galicia. Na reunión, celebrada en Palas, púxose de manifesto que o Goberno ten que facilitar o encaixe do proxecto nos PERTE e dotar as partidas que permitan captar os fondos necesarios para asegurar a viabilidade do proxecto. Igualmente, os populares entenden que o Goberno ten que clarificar a apertura das distintas liñas de apoio para conservar o efecto incentivador. Tamén debe impulsar a modificación da actual planificación da rede de transporte de enerxía eléctrica, para proporcionar a subministración eléctrica necesaria. Igualmente, o Executivo central debe manter a interlocución con Altri para que a empresa poida identificar claramente os apoios ao investimento.
Pola súa parte, José Manuel Barreiro informou da pregunta para resposta por escrito que presentaron ao Goberno os senadores por Lugo para coñecer o nivel de compromiso co proxecto de Altri. Nesta iniciativa, os populares lembran que “recentemente o delegado do Goberno en Galicia lamentaba que a multinacional Altri elixise a localidade lucense de Palas de Rei en lugar da provincia da Coruña”. Queren saber en primeiro lugar se “comparte o Goberno esa opinión?”. En todo caso, os senadores preguntan “cal é a posición e os prazos que manexa o Goberno respecto a esta industria vital para a provincia de Lugo?”. Barreiro sinala que do que se trata é de coñecer “se realmente por parte do Goberno hai un compromiso firme de apoio financeiro mediante fondos europeos ao proxecto de Altri para Palas e, como consecuencia, para todo o que suporá para esta provincia e para Galicia”. Destaca que no mes en curso levarase a cabo a auditoría de execución dos fondos europeos “e non sabemos nada”. En síntese, os populares queren saber “que fixo o goberno e que vai facer para apoiar o proxecto de Altri en Palas de Rei”.
Pola súa parte, o alcalde de Palas de Rei, Pablo Taboada, deixou claro que “o tempo aprema” e ten que haber sen máis demora compromisos firmes por parte do Goberno de España. “É necesario un pronunciamento claro, definitivo, por parte do Goberno central”, explicou Taboada. Engadiu que “xa é un clamor popular que este proxecto precisa un encauzamento con fondos europeos”. O alcalde de Palas destacou a necesidade “de estar todos a unha para conseguir este proxecto fundamental para Galicia”.
Os populares lembran que o proxecto de fábrica de fibras téxtiles sostibles é un complexo industrial centrado na elaboración deste tipo de material de orixe vexetal, que a empresa portuguesa ALTRI ten previsto desenvolver en Palas de Rei (Lugo). Resaltan que é un proxecto pioneiro a nivel internacional e totalmente aliñado cos eixos do Mecanismo de Recuperación e Resiliencia. Contará cunha capacidade instalada de 200.000 Tn/ano, equivalente ao 3% da produción mundial.
Para axilizar a tramitación administrativa o pasado 29 de decembro de 2022 o Consello da Xunta declarou esta iniciativa Proxecto Industrial Estratéxico, que reduce á metade os prazos de tramitación e permitirá a concesión directa da licenza de obra por parte da Xunta de Galicia.
Nas distintas reunións mantidas, a empresa traslada que non identifica como se poderían atender as necesidades reais do proxecto no seu conxunto. Ata o de agora, a solución que se lle ofrece é presentarse a todas as convocatorias nas que o proxecto sería elixible, aínda que nalgunhas teña escasas posibilidades de éxito e sen garantir o obxectivo de apoio público necesario para a súa posta en marcha. Ademais indican que en Portugal os grandes proxectos non teñen que “partirse” para poder optar axudas públicas.
A empresa sinalou o primeiro semestre de 2023 como a data límite para a toma de decisión. Debido á necesidade de cumprir co efecto incentivador nas axudas, estas deben de presentarse antes da toma de decisión. A falta de datas sobre a apertura de convocatorias dificulta, adicionalmente, a elaboración dun cronograma.
Características
As principais magnitudes do proxecto son: Investimento de 800M€; creación de 2.500 empregos (directos e indirectos) e ata 10.000 empregos durante o proceso de construción. Precisará de entre 0,9M-1,4M m3 de madeira certificada, preferentemente eucalipto de orixe certificada, poñendo en valor activos ociosos do monte galego. Dará unha segunda vida a certos residuos, como o téxtil, pechando o ciclo produtivo do sector. A empresa contempla ter a planta operativa en 2026, para o que é necesario contar coa necesaria infraestrutura eléctrica para o funcionamento da planta. Iso require a modificación da actual planificación da rede de transporte 2021-2026 por parte do Goberno central.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
