Foz, 17 de febreiro, 2023. Febreiro, o mes máis curto do ano, pode chegar a dar moito de sí. Como mostra unha pequena reseña dalgunhas actividades que se realizaron no Martínez Otero de Foz.
Entre o 6 e o 13, baixo o lema “Frenar a desigualdade está nas túas mans”, tivemos a campaña contra a fame, en colaboración con Mans Unidas. Lecturas, videos e pancartas nos acompañaron durante toda a semana que tivo o luns día 13 o broche final co Bocata Solidario.
O Mundo Máxico é o proxecto que están desenrolando en Educación Infantil e por este motivo o día 16, xoves de Comadres, este alumnado desfrutou cunha divertida sesión de “pintacaras”, anticipo de todo o que se estaba a preparar para o día seguinte.
E chegou o día, o venres 17 desde primeira hora da mañá grandes e pequenos acudimos disfrazados ao colexio. Disfraces orixinais, creativos, persoais e que fan voar a imaxinación daqueles que os levan. Durante toda a xornada aulas e patios enchéronse de risas, cores e moito brillo.
O colexio, a nosa segunda casa, foi testigo de excepción do desfile por cursos que ás 10 da mañá tivo lugar no noso pavillón. Gústanos vernos, compartir o día todos xuntos e desfrutar vendo felices aos outros. Que mellor lugar para todo isto que facelo na casa e en familia?
A continuación tivemos un xogo por equipos, dinámico, colaborativo e moi divertido, A ruta do Principiño, neste xogo participou todo o alumnado desde 3º de Primaria ata 4º da ESO.
Xa pola tarde, concluimos a xornada cunha chocolatada e degustación de lambetadas típicas do Entroido. Neste momento abríronse as portas do noso colexio para que todas as nosas familias que quixeran e puideran desfrutaran canda nós da festa e da merenda.
Foron moitos os que acudiron á cita e nós, coma sempre, encantados de recibilos.
Non podemos esquecer que na esencia do Martínez Otero está o de ser un colexio de portas abertas e agora, por fin, podemos volver a facelo
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
