Balseiro asegura que o Goberno de Pedro Sánchez afonda na súa “vontade evidente de desmantelar” o FEVE na Mariña lucense, Ortegal e Ferrolterra
Compostela, 18 de febreiro de 2023. O Grupo Popular de Galicia vén de rexistrar unha proposición non de lei no Parlamento de Galicia a través da que se demanda ao Goberno de España que asuma as responsabilidades políticas oportunas ante a “chapuza” que impide renovar a frota de trens da rede estatal de vía estreita (a antiga FEVE) nos prazos inicialmente comprometidos. O voceiro popular de Infraestruturas, José Manuel Balseiro, di que “esta é unha mostra máis que evidente da falta de compromiso e desinterese do Ministerio de Transportes por este servizo público” que, no caso de Galicia, opera no norte das provincias de Lugo e da Coruña, máis en concreto, comunica os concellos costeiros da Mariña lucense, Ortegal e Ferrolterra, como continuidade dunha rede que une Galicia con Asturias, Cantabria e o País Vasco.
Na iniciativa parlamentaria, o Grupo Popular pide que se cuantifique o retraso concreto que sufrirá a renovación da frota, que podería superar os dous anos ante a necesidade de deseñar e construír novos trens que poidan operar en todos os treitos, tras o erro acontecidos na medición dos gálibos que impiden o seu paso polos túneles. Deste xeito, e “para depurar responsabilidades, deben producirse o cese dos “cargos políticos responsables desta decisión, e non é suficiente coa marcha do equipo técnico que traballou na contratación da nova maquinaria”.
DESMANTELAMIENTO PROGRESIVO
Balseiro lembra que nos últimos anos están a multiplicarse as queixas polas deficiencias que acontecen nesta liña e que non só proceden dos pasaxeiros deste servizo ferroviario e dos representantes dos concellos que percorre, senón tamén dos propios traballadores, que denuncian recortes en materia de persoal e nas tarefas de mantemento e modernización da rede. Nese senso, a iniciativa parlamentaria lembra que aínda están pendentes de cumprirse as melloras técnicas, organizativas e de dotación de persoal comprometidas e que xa formaron parte das demandas que por unanimidade se aprobaron no Parlamento galego en diversas ocasións.
“A realidade é que a día de hoxe asistimos a un progresivo desmantelamento deste servizo: non se recuperaron os horarios e frecuencias suprimidas polo Ministerio durante a pandemia e son incapaces de facer unha planificación de reforzo nas épocas de maior demanda, como pode ser o verán ou en festivos, provocando incomodidades por falta de espazo”, manifesta o portavoz de Infraestruturas.
A isto engádense as múltiples avarías que sofre o servizo e a decisión política de deixar de prestar servizos como o do transporte de mercadorías, que operaba para a empresa do aluminio Alcoa.
Por último, José Manuel Balseiro pide “un compromiso máis amplo en clave de futuro con esta liña, que pasa por elaborar un plan a longo prazo que recolla as características técnicas e os investimentos precisos para electrificar a totalidade da liña de ferrocarril de ancho métrico que opera en Galicia, nun prazo razoable de tempo, e coas condicións que permitan intensificar e mellorar o tráfico de viaxeiros e restablecer o de mercadorías”. Na actualidade, o percorrido que fai o FEVE en Galicia é un dos poucos espazos onde moitos dos novos trens, cando cheguen, non poderán operar porque a liña carece da catenaria axeitada, o que obriga a empregar maquinaria con tecnoloxía híbrida e non exclusivamente eléctrica.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
