Ribadeo, 24 de febreiro de 2023. O Concello de Ribadeo acondicionará o acceso ao campo da festa das Anzas, na parroquia de Covelas, para o fin común de mellora dos equipamentos municipais no medio rural. O orzamento total ascende a 10.820,91euros.
Desde o goberno sinalan que este tipo de infraestruturas rurais xeran dalgún xeito cohesión social e territorial, mellorando as condicións de vida e traballo dos seus habitantes e contribuíndo, deste xeito, a frear o seu despoboamento. En particular, o campo da festa é unha desas infraestruturas que tradicionalmente se reserva nas aldeas para desenvolver nelas as festividades propias do lugar, ademais de servir de espazo para distintos usos o resto do ano. Constitúe así un punto de encontro e un foro de socialización de primeira orde no rural.
O concelleiro de Medio Rural, Marcos Villamil, explicou que “a Asociación de Veciños das Anzas dirixiuse ao Concello xa fai un tempo para demandarnos a mellora deste acceso ao campo da festa das Anzas, porque debido á súa elevada pendente, facíase complicada a entrada e saída de vehículos. Os técnicos municipais redactaron daquela un proxecto no que se contempla a pavimentación con formigón de 15 cm. de espesor sobre una capa de 20 cm. de zahorra artificial dos dous accesos que dan entrada ao campo da festa e tamén a colocación dunha varanda de madeira na parte superior, paralela á estrada, para salvar o desnivel entre a pista e o acceso. Estas melloras están valoradas en case 11.000 euros”.
O edil ribadense indicou que “levamos desde o goberno de Ribadeo nestes últimos anos facendo un importante esforzo para mellorar infraestruturas públicas nas nosas parroquias, tanto camiños como outras, como poden ser os campos da festa, nalgúns casos con fondos propios do Concello, noutros casos, como neste, coa colaboración da Deputación de Lugo. Agora, a través deste convenio económico extraordinario coa Área de Medio Rural da Deputación será posible levar a cabo esta actuación tan demandada pola veciñanza das Anzas que temos previsto executar nas vindeiras semanas”.
Ata a zona se desprazaron o concelleiro de Economía, Pablo Vizoso, e o concelleiro de Medio Rural, Marcos Villamil.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
