O vicepresidente primeiro e conselleiro de Economía, Industria e Innovación, Francisco Conde, apunta no Parlamento que esta iniciativa, que supón un investimento de 800 millóns de euros, require a plena colaboración de todas as administracións para que esta industria se leve adiante coas máximas garantías
Santiago de Compostela, 22 de marzo de 2023. O vicepresidente primeiro e conselleiro de Economía, Industria e Innovación, Francisco Conde, salientou hoxe no Parlamento que o proxecto de Altri, que supón un investimento de 800 millóns de euros e a posibilidade de crear ao redor de 2.500 empregos, esixe a plena colaboración de todas as administracións para que esta industria se leve adiante coas máximas garantías.
O responsable de Economía, Industria e Innovación salientou que o Goberno non pode continuar poñendo en dúbida o futuro dun proxecto vital para a transformación industrial de Galicia e da provincia de Lugo, e a cohesión territorial e social do rural. De feito, do total de fondos anunciados para os Perte -para proxectos industriais- segue sen comprometer o 83,5%.
O proxecto de Altri para levantar unha fábrica de fibras téxtiles sustentables en Palas de Rei é un proxecto industrial estratéxico de economía circular que situará Galicia como referente de innovación e sustentabilidade a nivel nacional e internacional. Esta iniciativa permitirá que Galicia concentre o 3% da produción mundial deste material, co que a industria téxtil de Galicia e España terá a oportunidade de cumprir coa estratexia europea para estes materiais, comprando na Comunidade esta materia prima a partir de residuos téxtiles e madeira certificada.
Así, segundo subliñou o vicepresidente primeiro, este proxecto supón a oportunidade de configurar un novo mercado para a industria forestal, na que a provincia de Lugo e Galicia mantén o seu liderado, cun total de 456 empresas que garanten a trazabilidade da orixe sustentable das súas producións mediante certificación forestal internacional.
A Xunta de Galicia tamén está axudando na definición e tramitación administrativa, ao igual que o Concello de Palas, que está a facer un labor importante para o seu desenvolvemento. Agora, só falta que o Goberno central axilice os fondos europeos comprometidos polo propio presidente Pedro Sánchez ao presidente Alfonso Rueda hai oito mesmo, para que Altri poida confirmar a execución deste proxecto.
Para favorecer o desenvolvemento de novos investimentos en Galicia, puxéronse en marcha políticas moi ambiciosas recollidas por lei vinculadas á simplificación administrativa, a priorización de proxectos estratéxicos e a dotación de solo empresarial. Isto ten permitido dispoñer de 19 iniciativas empresariais prioritarias de carácter industrial e catro proxectos industriais estratéxicos vinculados a sectores moi diversos como a automoción, o téxtil, o naval, TIC, agroalimentario, biotecnolóxico ou aeronáutico.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
