A Consellería de Promoción do Emprego e Igualdade tamén destina 750.000 euros a outras tres iniciativas que se desenvolven actualmente en 22 concellos da provincia
Lugo, 23 de marzo de 2023. A Xunta de Galicia e a Asociación Provincial de Empresarios da Hostalería de Lugo (APEHL) impulsan un novo Programa integrado de emprego que ofrece a 100 persoas desempregadas a oportunidade de formarse nas distintas categorías do sector.
O delegado territorial de Lugo, Javier Arias, comprobou hoxe a marcha dunha das accións formativas incluídas no proxecto, un curso para axudante de camareiro que ten lugar este mes nas instalacións da APEHL e no que participan 12 alumnos e alumnas; estivo acompañado polo presidente da entidade, Cheché Real, entre outros.
Arias explicou que a Consellería de Promoción do Emprego e Igualdade leva investidos 1.770.800 euros nos programas organizados pola asociación nos últimos anos, incluída esta oitava edición, que conta cun orzamento concreto de 226.160 euros.
Destacou que estes proxectos veñen avalados polas elevadas taxas de inserción laboral, dun mínimo do 45%, xa que o obxectivo é ofrecer unha alternativa laboral aos participantes e facilitar a súa incorporación a un sector no que existe unha elevada demanda de profesionais cualificados. Desenvólvense durante un ano, con actividades en Lugo e Monforte de Lemos.
Na provincia tamén están en marcha outras tres iniciativas similares que involucran a 22 concellos da provincia, financiadas pola Xunta con 250.000 euros en cada caso. Así, o concello de Outeiro de Rei promove un programa xunto cos de Friol, Rábade, Begonte, Cospeito, Castro de Rei, Abadín e Mondoñedo.
O de Palas de Rei comparte outro con Monterroso, Portomarín, Antas de Ulla, Guntín e O Páramo, ademais de Melide. E o de Chantada xestiona o terceiro proxecto, no que tamén participan Pantón, Bóveda, Paradela, O Saviñao, Sober, Taboada, Carballedo, e os ourensáns de Coles, A Peroxa e San Cristovo de Cea.
Por último, a Fundación Laboral da Construción convoca outro programa con actividades nas comarcas de Lugo, Santiago, A Coruña, Vigo e Ourense, para o que tamén recibe 250.000 euros
Xunto á formación laboral, os Programas integrados de emprego prestan orientación e asesoramento noutras materias, como formación transversal en idiomas, prevención de riscos, obradoiros de entrevistas de traballo ou fomento da capacidade emprendedora.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
