A Mariña, 28 de marzo de 2023. Hoxe tivo lugar no Salón de Actos do Cenima, en Foz, a presentación do Sistema Integral de Calidade Turística en Destino (SICTED) na Mariña Lucense. Ao acto asistiron unha trintena de axentes turísticos e tamén alumnos e alumnas de FP de Hostalería do IES de Foz que se interesaron en coñecer máis acerca deste selo de calidade no que é probable que nun futuro laboral próximo teñan que participar.
Fran Cajoto, presidente da Mancomunidade de Concellos da Mariña, contou que “este encontro marca o punto de inicio no calendario dun proxecto que permitirá certificar ás empresas do destino interesadas na mellora continua da calidade no servizo, favorecendo a calidade no conxunto do territorio”.
A Mancomunidade de Concellos da Mariña Lucense inicia así o proceso de implantación do SICTED na Mariña Lucense, ao abeiro do Plan de Sostibilidade Turística, cofinanciado pola propia Mancomunidade coa colaboración da Deputación de Lugo, a Xunta de Galicia e a Secretaría de Estado de Turismo. Este selo permitirá aos distintos axentes que o implanten sumar puntuación de cara a posibles subvencións que desexen solicitar.
Tania Hermida, xerente do Plan de Sostibilidade Turística da Mariña Lucense, explicou que “a través deste plan, que é completamente gratuíto para as empresas, a Mancomunidade pretende non só axudar a introducir ferramentas de xestión nas empresas, senón tamén impulsar accións integradas a longo prazo para reforzar os negocios, analizar os niveis de satisfacción dos usuarios, sumar valor aos esforzos das empresas mellorando a calidade, introducir a variable ambiental e social na xestión das mesmas e tamén especialmente mellorar e reforzar a coordinación e o traballo en equipo para alcanzar unha conciencia global do destino”.
A esta reunión convidáronse especificamente a empresas de aloxamento, restauración, turismo activo, guías de turismo, así como persoal das oficinas de turismo e dos museos, que formarán parte do proxecto nesta primeira fase de implantación durante o ano 2023, para en próximas anualidades continuar incluíndo outros recursos e actividades así como aqueles oficios que interactúan directamente co turista sen chegar a ser tradicionalmente turísticos: comercio, taxis e outros.
Hermida indicou que “tras este encontro, iniciaranse os seminarios de formación e as asistencias técnicas colectivas e individuais ata chegar ás avaliacións e a obtención do selo de Compromiso de Calidade Turística que recoñecerá o esforzo dos axentes participantes. Neste contexto crease tamén a Mesa de Calidade, unha canle de comunicación e coordinación formal coas empresas do sector turístico que favoreza a colaboración público-privada e onde se traballará conxuntamente para mellorar a satisfacción dos visitantes”.
Cajoto Caserío subliñou que “o PTS na Mariña Lucense persigue potenciar o turismo en todas as vertentes da sostibilidade: económicas, socioculturais e medio ambientais, e así garantir o desenvolvemento dun modelo sostible e rendible para un destino con visión a longo prazo. O SICTED é unha ferramenta axeitada para colaborar na consecución deste obxectivo, xa que permite aglutinar ao conxunto da oferta turística do destino e traballar en beneficio da calidade dos servizos”.
As entidades interesadas en coñecer e participar do SICTED, poden poñerse en contacto co Servizo de Turismo da Mancomunidade de Concellos da Mariña Lucense no 659 293 663 ou no correo info.turismo@amarinalucense.gal.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
