A institución colabora un ano máis coa celebración desta mostra, nesta ocasión cunha achega de 8.000€ e a cesión de dúas xatas da Granxa Gayoso Castro para premiar aos gandeiros e gandeiras participantes
Lugo, 1 de abril de 2023. O Presidente da Deputación de Lugo, José Tomé Roca, xunto co Deputado de Recursos Sostibles, Roberto Fernández Rico, e o Deputado de Participación Cidadá, Roberto García Pernas, participou este venres na inauguración da 39ª Mostra Exposición de Muimenta (MOEXMU), que se prolongará ata o domingo. Unha cita que arrancou no recinto feiral co pregón da xornalista pastoricense Carmen Uz.
José Tomé felicitou a toda a organización, “aos de antes e aos de agora”, por un traballo “ben feito”, que é o que “nos permite que hoxe poidamos estar aquí nunha nova edición da MOEXMU, ás portas do seu 40 aniversario”.
A Deputación colabora un ano máis con esta cita, nesta ocasión cunha achega económica de 8.000€ para a súa organización e coa cesión de dúas xatas da Granxa Gayoso Castro, que se entregarán no concurso que se celebrará o domingo como premio aos gandeiros e gandeiras participantes.
O mandatario provincial recalcou que a MOEXMU “demostra ben algo do que estamos convencidos na Deputación. O rural non está baleiro, senón cheo de recursos, de ideas, de iniciativas, de capacidade, sobre todo en torno ao noso sector primario, que é un dos grandes músculos da nosa economía”. “O que fai falta é apoio e políticas públicas adecuadas e suficientes para saír adiante”, motivo polo que, explicou o Presidente, “dentro das nosas posibilidades, o apoio ao sector primario é unha prioridade para a Deputación, con moi diversas medidas, como é, por exemplo, colaborar coa organización da MOEXMU, así como con outras iniciativas do tecido asociativo e produtivo da nosa provincia”, afirmou.
Lembrou tamén neste sentido que a Deputación conta coa Granxa Gayoso Castro, situada en Castro de Ribeiras de Lea. “Un centro público, no que desenvolvemos un importante labor de apoio á actividade agrogandeira para a recría de becerras frisonas e de raza rubia galega, e no que funciona tamén unha Granxa Experimental de Leite, a primeira das súas características en toda Galicia, porque une formación e investigación universitarias ó servizo dos gandeiros e gandeiras con explotacións lácteas”, detallou José Tomé.
Unha oferta “completa e atractiva”
O Presidente salientou a oferta “completa e atractiva” da cita, vencellada coa agricultura e gandería, pero tamén con expositores de artesanía, produtos agroalimentarios e de maquinaria agrícola ao longo dos 25.000 metros cadrados dos que dispón a mostra. O programa contempla a celebración da 37ª edición do Concurso de Gando Frisón e a Exposición de Raza Rubia Galega e da 27ª Poxa de Gando Selecto. Así mesmo, este venres celebrouse o concurso de xóvenes preparadores e o domingo terá lugar o certame de xóvenes manexadores. Tamén se poderá visitar unha exposición fotográfica sobre o porco celta, Crónica da pegada do porco celta, cedida por ASOPORCEL e que se poderá ver na antiga escola de Muimenta.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
