Barreiros, 1 de abril de 2023. Os gobernos municipais de Barreiros e Ribadeo, encabezados pola a alcaldesa e o alcalde respectivamente, revisaron na mañá de onte as obras levadas a cabo nun viario que une ambos concellos ao paso polas parroquias de Vilamartín Pequeno e Arante, concretamente por Remourelle.
Ana Ermida manifestou a “súa satisfacción por poder levar a cabo este tipo de proxectos coordinadamente que contribúen a beneficiar á veciñanza de ambos concellos” no encontro que mantivo na mañá de onte co alcalde de Ribadeo, cando percorreron os máis de dous quilómetros de aglomerado en quente co que foi reposto o firme do viario.
A mandataria sinalou a importancia da colaboración interadministrativa e de fomentar as relacións entre concellos veciños, xa que “permite un mellor uso dos recursos públicos, que son utilizados dun xeito máis eficiente e, polo tanto, con maior aproveitamento para a totalidade da veciñanza”.
A boa relación entre estes dous concellos permitiu levar a cabo esta obra de xeito coordinado e que o firme quede o máis homoxéneo posible. Neste sentido, puxeron en valor a capacidade de entendemento no día a día que se dá nos últimos anos entre ambos municipios, o que permitiu non só esta actuación, senón o desenvolvemento de accións conxuntas, como os obradoiros de emprego; que contribúen a crear sinerxias e permiten maiores e mellores servizos para a poboación.
Ermida e Suárez agradecéronse mutuamente a capacidade de chegar a este tipo de acordos e manifestaron a intención de continuar con actuacións conxuntas que melloran a vida das veciñas e veciños dos seus concellos.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
