O portavoz popular, José Manuel Lamela, defenderá esta iniciativa no vindeiro pleno municipal
O Valadouro, 2 de abril de 2023. O portavoz popular no Valadouro, José Manuel Lamela, propón que “o Concello inicie os trámites e xestións necesarios para que o Mercado Tradicional de Primavera sexa declarado Festa de Interese Turístico de Galicia”. A iniciativa será rexistrada para o seu debate no vindeiro pleno municipal.
O Mercado Tradicional de Primavera do Valadouro celebrou este ano a súa XVII edición. Pero a realidade é que se trata dunha celebración que vén de séculos atrás, do XVIII cando se realizaban mercados en torno á ermida da Virxe de Ferreira. Xa no presente século século se comezou a celebrar o Mercado de Primavera, tal é como o coñecemos, cando un grupo de mozos e mozas decidiron comezar a ir ao mercado como facían os seus avós: con zocas e vestimenta e accesorios do mundo labrego.
Así, por unha banda, esta festividade ten un claro elemento de recordo aos antepasados e de recuperacións das tradicións. E, pola outra, congrega ano a ano a moitos visitantes doutros concellos da contorna que veñen a pasar o día neste concello para desfrutar do Mercado Tradicional de Primavera; son unha parte importante da vida social e económica.
É por iso polo que, como se sinala na moción, “dende o PP do Valadouro consideramos necesario que o Concello inicie os trámites e xestións necesarios para a declaración do Mercado Tradicional de Primavera como Festa de Interese Turístico Galego”, porque “con esta declaración, o Mercado tería aínda unha maior promoción e visibilidade e, polo tanto, tamén O Valadouro, o que repercutiría positivamente na economía”, segundo defende o portavoz popular.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
