“Un ano tardaron en dicir que era necesaria á venta duns inmobles para a compra dos terreos para o novo centro de saúde en Ribadeo. É unha vergoña!”, explica a coordinadora de promoción local
Ribadeo, 12 de abril de 2023. Nestas últimas semanas o grupo municipal popular puxo de manifesto o pouco compromiso do goberno do BNG con Ribadeo e os seus veciños en asuntos de interese público. En relación á sanidade, e en especial ao novo centro de saúde para Ribadeo, o grupo municipal detallou os pasos que se foron dando na xestión deste centro.
A coordinadora de promoción local, Marta Saiz, explica que “durante os últimos catro anos limitáronse ao uso da pancarta para defender a sanidade pública e utilizaron ao centro de saúde como unha ferramenta para facer política”. Ademais, engade: “Hoxe, se tiveran un pouco de dignidade, agocharían a cabeza e pedirían perdón”.
Saiz destaca o cinismo do goberno do BNG e reitera a súa falta de compromiso cos ribadenses: “É tanto o cinismo que retrasaron ata o último pleno a modificación urbanística da parcela so por intereses e estratexia política. Unha vez máis demostraron que este goberno do BNG prioriza os intereses políticos e partidistas aos intereses dos ribadenses”.
Por contra, o grupo municipal popular vela polos intereses de todos os veciños e veciñas de Ribadeo, pois “no segundo ano de mandato xa estabamos anunciando o novo centro de saúde para a vila. Unha xestión moi importante na que a actitude e a resposta deste goberno foi a de bloquear e poñer paos nas rodas continuamente”. Neste sentido, os populares recibiron como resposta frases que se repetiron durante días como “chega o centro de saúde que temos” ou “chega con reformar” e, en canto á proposta do grupo municipal de facer un novo aparcamento para o centro sanitario, o goberno do BNG explicou que “xa hai un aparcamento ao lado”. “Claro, se lles esquecía que este aparcamento é de pago e de tempo. Pero cando viron que a súa estratexia non lles estaba dando rédito político é cando empezaron a recuar e firmar” di Saiz.
Sen embargo, seguiron intentando sacaron rédito político impedindo que o grupo municipal popular participase na reunión na que Consellería convocou para os representantes de todas as corporacións municipais. “Impediron que o resto da corporación participase nesa reunión, só quixeron ir eles, e despois se lles infla o peito falando de democracia”, resalta Marta Saiz.
Ao ver que os plans de confrontación non funcionaba, o goberno do BNG intentou retrasar a firma e aportar os terreos. “Nin para aportar os terreos estiveron á altura. Trasladaron cinco opcións a cal peor. non se deu ningún tipo de explicacións e tampouco se escoitou ao resto da corporación para tomar unha decisión consensuada. Nós aportamos varias posibles localización e non nos escoitaron. Un ano tardaron en dicir que se ían comprar coa venta de inmobles. Esperaron ao último pleno para facer a modificación” di Saiz.
A coordinadora asegura que “a nosa maneira de entender a política está moi lonxe desas artimañas, a nós o que nos interesa é a construción dun novo centro de saúde. Nós sempre priorizaremos os intereses comúns de Ribadeo e dos ribadenses aos nosos propios”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
