Patricia Otero critica que “non teñen ningunha vontade de diálogo nin negociación” logo de tres anos de “mentiras” aos traballadores
Santiago de Compostela, 18 de abril de 2023. A portavoz de Pesca do Grupo Socialista, Patricia Otero, denunciou hoxe que a presidenta de Portos de Galicia leva tres anos adiando o proceso de elaboración da Relación de Postos de Traballo. Otero presentou unha pregunta oral na Comisión de Pesca na que alertou do “gran grao de conflitividade laboral” provocado pola dirección do ente.
Otero lembrou o informe do Consello de Contas, que alertaba da “inflación de postos directivos” do ente, que segundo os datos de 2019 conta cunha plantilla de 110 traballadores e traballadoras, dos que só 41 son celadores e gardapeiraos, o posto central para a xestión das 122 instalacións portuarias da súa competencia.
Explicou que esta figura é a encargada de supervisar, vixiar, velar polo cumprimento das tarefas da policía de Portos, o control de acceso de persoas e vehículos, a carga e descarga, o control a superficie, a seguridade, a pesaxe das básculas e o control da facturación das taxas portuarias. Advertiu que con apenas 41 celadores é imposible controlar os 122 portos, polo que o goberno galego comezou a esixir traslados, pero sen pagar o desprazamento.
Aludiu ao caso dos celadores gardapeiraos itinerantes, aos cales a xustiza lles recoñeceu o dereito a cobrar desprazamentos, e para eludir o cumprimento destas sentenzas e non pagar eses desprazamentos, Portos “sacou da chisteira os cadros de frecuencia, privando así a capacidade e autonomía que tiñan os itinerantes para supervisar os portos que teñen adscritos”.
Esta é só unha mostra dos problemas que teñen enrarecido o ambiente laboral, cunha xerencia que nega flexibilidade horaria, suprime o horario de verán, provoca agravios comparativos, modifica os horarios en avisar e non recoñece a antigüidade.
Acusou á presidenta de Portos de non facer nada para resolver a situación, máis alá de anunciar, en 2020, que comezaban co procedemento de elaboración da Relación de Postos de Traballo, que en abril de 2023 “aínda non é unha realidade”. Criticou que leven 3 anos de “reunións sen ningún tipo de vontade negociadora”, mentres lle botan a culpa aos traballadores do ente.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
