A Mariña, 23 de marzo, 2023. O vindeiro sábado 6 de maio terá lugar a cea das Peñas barcelonistas da Mariña lucense e do occidente asturiano. Participarán as Peñas de Mondoñedo, San Miguel, La Balastrera de Ribadeo e Azulgranas Asturgalaicos doce puentes de Vegadeo.
O acto terá lugar no Restaurante Voar de Ribadeo, a partir das 21:00 horas.
Tendo en conta que a Peña Barcelonista de San Miguel celebra o seu 25 aniversario, está confirmada unha representación do FC Barcelona a través dun directivo e algún exogador do primeiro equipo, nomes aínda por confirmar.
Así mesmo, os asistentes poderán fotografarse coas Copas da Liga e da Liga de Campións, que cederá o FC Barcelona para o evento.
Os asistentes reuniranse a partir das 21.00 horas para un pincheo prevo no mesmo restaurante, onde poderán charlar e facerse fotos cos representantes do Barça. Tamén ofrecerán unha pequena charla.
A partir das 22.00 horas terá lugar a cea de gala, co menú de Gambas á prancha flambeadas con augardente de barrica e manteiga Celta, croquetas caseiras de xamón ibérico, segundo prato Tenreira en salsa de cogomelos con patacas ou Rape ao azafrán con patacas panadeira, postre, café e licores. O prezo para non peñistas será de 35 €. A velada estará amenizada con música e haberá servizo de autobús para traslados.
Os interesados en participar poden facer a súa reserva a través de calquera das peña nos teléfonos 605629002 (PB Mondoñedo), 649571360 (PB San Miguel), 627975528 (PB La Ballastrera – Ribadeo), 609548687 (Azulgranas Vegadegaaicos). O prazo de inscrición remata o 30 de abril.
A cea está aberta tanto a peñistas como aos afeccionados do Barcelona en xeral.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
Fixoo no marco do Campionato Galego de Coctelería celebrado no Hostal dos Reis Católicos.
