Burela, 3 de maio de 2023. O XXV Maratón Autonómico Urbano Special Olympics Galicia, que se celebrará o 6 de maio en Burela, obrigará a cortar o tráfico en varias rúas. De 8 a 15 horas non se poderá circular por Pardo Bazán, Rosalía de Castro, Lamestra e Eijo Garay e tamén haberá cortes puntuais noutras rúas polas que discorran as probas de 1.500 e 3.000 metros.
O concelleiro de Deportes, Ramiro Fernández, dixo: “queremos reforzar, se cabe aínda máis, a seguridade con motivo da celebración deste maratón, que nos obrigará a facer unha serie de cortes de tráfico. Haberá 4 probas: de 300 metros, de 800, de 1.500 e de 3.000 metros. Nas que máis afectado se vai ver o tráfico será nas probas de 300 e 800 metros, que son nas que participará a xente con maior discapacidade. Entón vamos facer cortes de tráfico nas rúas Pardo Bazán, Rosalía de Castro, Lamestra e Eijo Garay, viarios onde non se permitirá o estacionamento de vehículos desde as oito da mañá ata as tres da tarde do sábado. O venres xa empezaremos a intentar liberar os coches que estean aparcados nesas catro rúas. Na Eijo Garay será no tramo afectado pola carreira, o que está diante da Casa do Concello, que é desde onde van saír todas as probas. Mentres se estean desenvolvendo as carreiras, que será entre as once da mañá e as tres da tarde do sábado día 6 tampouco se poderá circular por esas rúas”.
O edil burelés contou que “para as dúas probas máis longas, que son as de 1.500 e 3.000 metros, non se van facer cortes de tráfico máis aló destas catro rúas que dixen anteriormente porque os corredores van ir escoltados dalgún xeito por Protección Civil e pola Policía Local e faranse cortes a medida que vaian pasando os participantes, co cal van ser moi breves, simplemente para garantir a seguridade deses corredores”.
Fernández Rey subliñou que “para nós é un tremendo orgullo que Special Olympics Galicia escollera Burela para organizar esta proba. Xa hai tempo que tiñan ganas de facela aquí e desde o Concello, coma sempre, brindámonos a colaborar en todas estas iniciativas, que ademais de carácter deportivo tamén o teñen social e de integración. Co cal son probas que tanto a min, como concelleiro de Deportes, como a Carmela López, como edil de Servizos Sociais, e ao alcalde, Alfredo Llano, nos gustan moitísimo porque apostamos pola integración desta xente, que tamén ten dereito a practicar estes deportes”.
O concelleiro de Deportes engadiu: “seguimos traballando para que Burela sexa un referente de carácter deportivo: hai pouco tivemos unha competición de enduro, agora temos esta proba de maratón para xente con discapacidade e supoño que en breve vamos ter máis carreiras. Estas probas implican unha mínima molestia para a xente porque hai que facer cortes de tráfico para garantir a seguridade dos corredores”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
