No encontro coa veciñanza e cos simpatizantes participaron tamén a Alcaldesa de Trabada e Deputada provincial, Mayra García Bermúdez, e o Voceiro socialista no Parlamento de Galicia, Luis Álvarez
Ribadeo, 21 de maio de 2023. A candidata socialista de Ribadeo, Marta García Rey, ofreceu este domingo un mitin na Casa do Mar desta localidade da Mariña para presentar a súa candidatura de cara ás vindeiras eleccións municipais do 28 de maio. No encontro, no que participaron veciños e veciñas, afiliados e simpatizantes, García Rey prometeu “traballo, transparencia e compromiso” para dinamizar e transformar o seu concello.
A Alcaldesa de Trabada e Deputada provincial, Mayra García Bermúdez, e o Voceiro do PSdeG no Parlamento de Galicia, Luis Álvarez, coincidiron en destacar a valía e capacidade da alcaldable ribadense, quen destacou que loitará por un concello “máis activo, no que a prioridade sexa a calidade de vida dos veciños e das veciñas”.
Destacou a socialista o equipo que a acompaña na lista, “renovado, forte, capaz, diverso e preparado”, composto por persoas “coas que comparto ideas e proxecto. Persoas responsables que entenden que só traballando xuntos poderemos acadar os logros máis ambiciosos”.
”O noso concello precisa máis ca nunca dun plan de alugueiro de vivendas dirixido a todos os públicos”, sinalou Marta García Rey, para quen a construción de novas vivendas será tamén unha prioridade. Nas súas propostas programáticas, a alcaldable do PSdeG apunta o impulso da xeración de emprego, apoiar o rural con determinación ou a elaboración dun bo plan de desenvolvemento do turismo que repercuta nos tres sectores. Destacou a necesidade de impulsar o comercio e á hostalería local, así como potenciar o ámbito cultural coa aposta decidida polos festivais de música, achegando iniciativas a todas as parroquias, ou coa creación do museo de Ribadeo.
No capítulo de infraestruturas, cre que Ribadeo necesita un parque canino, a reparación de beirarrúas tendo en conta ademais criterios de accesibilidade, a instalacións de pantaláns flotantes no entorno da Praia dos Bloques para facilitar o baño e as actividades deportivas, ou a creación dun aparcamento e área para autocaravanas.
Graduada en Turismo, Marta García Rey ten 28 anos, é veciña da parroquia ribadense de Vilaselán e volve a presentarse a Alcaldía de Ribadeo “coa mesma ilusión que hau catro anos”, nos que sumou a experiencia do seu traballo como concelleira socialista.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
