Mariña Gueimunde sinala que este domingo será a oportunidade de que “os veciños comparen a xestión nefasta que hai neste momento coa xestión eficiente que fixo o PP en todos os anos que gobernou”
Viveiro, 25 de maio, 2023. A un día de que remate a campaña, Alfonso Rueda quixo aproveitar a ocasión facer un recoñecemento a todos os candidatos do PPdeG que, como Mariña Gueimunde, son xente traballadora, que mira aos ollos da xente para pedir o voto, que está preparada para gobernar e que coñece aos seus veciños e os seus problemas
O líder dos populares galegos apostou por un cambio en Viveiro, afeando ao actual Goberno local a súa estratexia de “botar a culpa aos demais” para agochar que “non teñen ideas” e “non saben moi ben que facer”
Facendo referencia ás dúas décadas como rexedor de César Aja, Rueda reivindicou que os veciños de Viveiro tiveron a sorte unha vez de “ter un alcalde que foi capaz de facer cousas que parecían impensables e que deu a volta ao concello para moitos anos”, dándolle as grazas e apostando por Mariña Gueimunde por seguir esta liña e facer “aínda máis cousas”
O presidente do PPdeG contrapuxo a falta de operatividade do actual Goberno municipal cos investimentos da Xunta neste concello: reforzo do persoal de Atención Primaria, prazas públicas para maiores, SAF, atención temperá, e as escolas infantís gratuítas
“Todo iso parece que non conta, pero sae dos Orzamentos do Goberno galego. E só con iso xa estaríamos facendo máis que o Concello de Viveiro”, remarcou engadindo outros investimentos como a VAP Costa Norte no tramo Celeiro-San Cibrao, o albergue xuvenil Area ou axudas para Pemes e comercio ou en apoio do sector marítimo-pesqueiro
En referencia á situación de Alcoa, Alfonso Rueda mostrouse moi crítico con “todos eses ministros de Pedro Sánchez que non teñen nada mellor que facer que vir a Galicia a falar mal de Feijóo pero non din unha palabra sobre Alcoa”
Nesta mesma liña afeou ao BNG que se opoña aos parques eólicos que son necesarios para abastecer de enerxía a esta empresa: “Que vaian aos concellos da comarca da Mariña que dependen de Alcoa, miren á cara aos traballadores e expliquen iso de que Alcoa si, pero a enerxía para que funcione non”
Reprochou tamén ao Goberno central que, mentres outros países de Europa están actuando para actuar ante a suba dos custos enerxéticos, aquí non se estea facendo nada: “O voto deste domingo tamén vai para que o próximo presidente de España sexa Alberto Núñez Feijóo, que coñece ben a importancia deste problema e ocuparase de resolvelo”
Alfonso Rueda tamén aproveitou a ocasión para criticar as “promesas irreais ante problemas reais” feitas por Pedro Sánchez ao longo desta campaña, referíndose concretamente ás vivendas da Sareb: “Das case 1.300 que dicían que había en Galicia, só hai 43 das que 35 están precisamente na Mariña e son un armazón con problemas urbanísticos. O resto, nin se sabe onde están”
GUEIMUNDE: “VIVEIRO NECESITA RECUPERAR A SÚA GRANDEZA”
Recordando os anos de gobernos populares en Viveiro, a candidata á alcaldía sinalou que este domingo será a oportunidade de que “os veciños comparen a xestión nefasta que hai neste momento coa xestión eficiente que fixo o PP en todos os anos que gobernou”
“Viveiro necesita dunha rehabilitación estrutural para recuperar a súa grandeza porque neste momento contamos cun equipo de goberno que está a cambiar as cousas a peor”, asegurou
Mariña Gueimunde considera que o exemplo máis claro da mala xestión da actual alcaldesa é que non foi quen de manter a Asociación de Pais de Persoas con Discapacidade Intelectual (Aspanane) en Viveiro ao non cederlles unha parcela de titularidade municipal para a construción dunha residencia
Reprochoulle tamén á rexedora que demande un plan para A Mariña cando nin ela, nin o Goberno de Sánchez, foron quen de dar solucións viables a Alcoa
“María Loureiro e Pedro Sánchez son o mesmo. Son os gobernos que, en vez de construír, destrúen: destrúen emprego, destrúen a industria e destrúen servizos”, afirmou ao tempo que concluía: “Votar a María Loureiro é votar unha alcaldesa que defende antes a Sánchez que a Viveiro e á Mariña”
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
