Nota de Prensa
O PSOE CERVENSE ACUSA Ó CONCELLO DE ACTUAR CONTRA A XUSTIZA NO DERRUBAMENTO DO RIVERA CASÁS
Acusa ó alcalde de cometer unha “atrocidade” no seu empeño por derrubar edificios públicos
CERVO, 11 DE SETEMBRO DE 2010. O Grupo Municipal Socialista considera que o Alcalde de Cervo está a actuar en contra da Xustiza por ter ordenado o derrubamento das instalacións do CEIP Rivera Casás, a pesar de que aínda está pendente de resolución un recurso contencioso-administrativo interposto polo PSOE para evitar esta actuación.
Os socialistas cervenses recordan que o pasado 25 de maio foi interposto ante a Sala do Contencioso-Administrativo do Tribunal Superior de Xustiza de Galicia un recurso contra a resolución do 25 de marzo de 2010 do Director Xeral de Centros e Recursos Humanos da Consellería de Educación e Ordenación universitaria da Xunta, polo que se resolvera autorizar a desafectación, solicitada polo Concello de Cervo, dos terreos do CEIP Rivera Casás. A desafectación dos terreos supoñía a apertura do paso para poder eliminar unhas instalacións públicas e dar outro uso ós terreos.
“Modus operandi do Concello”
O Grupo Municipal Socialista de Cervo manifesta o seu “asombro e estupefacción” por “polo pouco respecto que o PP de Cervo ten á Xustiza e ás decisións xudiciais”, dado que a resolución da Consellería está recorrida e pese a isto o derrubamento do colexio xa está iniciado”.
“Non nos colle de sorpresa”, apunta o Grupo, “dado que é o modus operandi do Concello de Cervo e en especial do alcalde, o señor Alfonso Villares, e do seu segundo, o señor Balseiro”.
Necesidade de edificios públicos en Cervo
Os socialistas de Cervo amosan a súa indignación ante a actuación municipal, por canto o municipio ten unha gran necesidade de edificios públicos. Califican esta política do Concello coma “atrocidade”, por mor “do que custa levantar un edificio público, tanto en termos económicos coma burocráticos por parte dunha Administración, e ademais tendo en conta a situación económica do país”. Acusan, polo tanto, ó PP dunha “falsa austeridade da que tanto fala e presume”.
Estudo doutras vías de actuación
O PSdeG-PSOE de Cervo anuncia que está a estudar outras vías de actuación “para frear a grande atrocidade que está cometendo o señor Villares ó derrubar edificios públicos”. Considera paradóxico que, ó mesmo tempo, o alcalde estea precisamente demandando instalacións públicas “como son os antigos locais do Instituto Social da Mariña para albergar o Punto de Atención Infantil”.
Ao respecto, puntualizan que “este tema nunca preocupou ó alcalde ata que o Grupo Municipal Socialista propuxo a utilización das antigas aulas de Infantil do Rivera Casás para emprazar alí o PAI”. Por iso, os socialistas cervenses consideran que a Villares “os nenos deste municipio preocúpanlle moi pouco”. Asemade, argumentan que a pesar de ter comezado xa o novo curso escolar, “a promesa por parte do PP da ampliación do pavillón do CEIP de San Ciprián está sen realizar, así como a substitución da cuberta do patio no CEIP de Cervo, cando prometeran facer as obras no verán para non interferir coa actividade escolar”.
Xa que logo, o PSdeG-PSOE non entende que o alcalde “teña tanta premura para iniciar o derrubamento e sen embargo non considere prioritario cubrir as necesidades dos escolares”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
