As novas incorporacións, Adrián Arias e José Manuel Balseiro, asumirán as áreas de innovación, emprendemento e zona rural; e Seguridade Cidadá, respectivamente
Cervo, 30 de xuño de 2023. A rexedora de Cervo, Dolores García Caramés, deu a coñecer este mediodía a organización do novo Goberno resultante das Eleccións Locais celebradas o pasado 28 de maio.
A propia Caramés será a encargada da coordinación das diferentes delegacións divididas por áreas de xestión do seguinte xeito:
As áreas de Cultura, Xuventude e Facenda, serán asumidas pola alcaldesa, Dolores García Caramés.
A delegación de Medio Ambiente Obras e Ecoloxía, estará dirixida pola concelleira Manuela Méndez Álvarez.
A delegación de Réxime Interior, Emprego e Formación, estará encabezada polo concelleiro Alfredo Antonio Fernández Casas.
A delegación de Innovación e Emprendemento, e Zona Rural, corresponderalle ao concelleiro Adrián Arias Díaz.
A delegación de Asuntos Sociais e Igualdade, Educación e Sanidade, estará dirixida pola concelleira Mª Concepción Pilar Armada Carrete.
A delegación de Deportes e Turismo, estarán xestionadas polo concelleiro David Rodríguez Pernas.
A delegación de Seguridade Cidadá, corresponderalle ao concelleiro José Manuel Balseiro Orol.
A rexedora destacou a gran confianza que ten depositada neste equipo de compañeiros e compañeiras “formado por veciñas e veciños de Cervo con experiencia e acreditada capacidade de traballo, e con moitas ganas de seguir a traballar por este concello”, e puxo en valor tamén as novas incorporacións “con compromiso, ilusión e ideas novas para seguir mellorando o noso municipio”.
Caramés afondou na aposta por un Goberno “activo, participativo, implicado ao 100% e ao servizo da veciñanza de Cervo os 365 días do ano”, que é a nosa forma de traballar, como vimos facendo ata o de agora.
Tal e como explicou, desde o Concello de Cervo seguiremos apostando pola transparencia e a información puntual á veciñanza “que será plenamente coñecedora da xestión do gasto público, e de todos os investimentos que materialicemos”; apoiándonos nunha profesional en materia de información e comunicación, “na que recaerá a estratexia global de comunicación, a relación directa cos medios, e que se encargará de coordinar tamén as actividades culturais, lúdicas e de lecer dirixidas á mocidade” que recibirá unha retribución bruta anual de 21.699,96 euros.
Caramés quixo precisar que se actualizaron as dedicacións en consonancia cos tempos, puntualizando que, en ningún caso, o orzamento total do gasto dos órganos de goberno e da Corporación supera o incremento do IPC dos últimos catro anos; “de feito o orzamento destinado aos órganos de goberno foi reducido en case 8000 euros con respecto á pasada lexislatura”; pero tamén actualizamos -explicou- as contías relativas á asistencia ás Xuntas de Goberno e ás sesións plenarias, o que afecta á Corporación municipal ao completo, tanto ao goberno como aos grupos da oposición, subliñou.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
