Lourenzá, 15 de xullo de 2023. Despois de manter unha xuntanza coas familias do municipio, o equipo de goberno laurentino presentou unha moción en defensa da atención pediátrica, que foi aprobada por unanimidade. Na citada reunión tamén se acordou a recollida de sinaturas para reivindicar a solución a este problema ante a Consellería de Sanidade, da Xunta de Galicia.
Os gobernantes municipais explican que “os motivos que levaron a tomar estas medidas son, entre outros, que desde o Servizo Galego de Saúde (Sergas) non se está a garantir o dereito das nenas e nenos do noso municipio a ser atendidos por un especialista en pediatría en caso de enfermidade. Tamén se está incumprindo o calendario de vacinas, co grave risco que isto supón”.
No Pleno Municipal aprobouse por unanimidade, con algunhas achegas do BNG, a moción do Grupo Socialista na que se lle demanda á Consellería de Sanidade da Xunta de Galicia as seguintes medidas:
1.- Que se restableza a consulta da especialidade de pediatría no Centro de Saúde de Lourenzá de luns a venres ou, polo menos, tal e como se viña realizando nos anos previos á pandemia COVID.
2.- Que a consulta pediátrica no Centro de Saúde de Mondoñedo se amplíe aos cinco días laborais da semana. Se o profesional se ausenta por vacacións ou permisos que lle correspondan, cubrir a súa ausencia, na medida do posible en xornadas de tarde, nas que se realizarán con preferencia as revisións do Programa do neno san, evitando así as dilacións no calendario de vacinación. Esta xornada vespertina sería no Centro de Saúde de Mondoñedo posto que a localización do PAC neste concello facilita que o Centro se atope aberto durante as 24 horas do día.
3.- Dotación da especialidade de pediatría na sección de urxencias do Hospital da Mariña, que garanta a atención desde o primeiro momento aos pacientes en idade pediátrica que acudan ao devandito servizo.
Esta moción será tamén remitida aos Concello de Barreiros e Mondoñedo para que podan tomar acordos apoiando estas peticións.
Na xuntanza antes citada coas familias non se descartou adoptar outras medidas de presión para que as súas reivindicacións sexan atendidas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
