Ribadeo, 20 de xullo de 2023. Ribadeo acollerá os días 22 e 23 de xullo o Vendaval Fest. Na presentación do evento participaron o alcalde, Dani Vega, e as concelleiras de Cultura e Turismo, Begoña Sanjurjo e Marta Saiz.
O rexedor dixo que “durante esta fin de semana Ribadeo vai celebrar o Vendaval Fest, un festival de nova creación. Ribadeo quere apostar polos festivais. Temos moitos e un dos máis importantes é o Vendaval Fest. Dende o Concello e a Xunta de Galicia queremos colaborar con eles e tamén agradecemos as colaboracións da Deputación Provincial e de todas as entidades privadas que queren apoiar a este grupo de rapaces”.
Vega lembrou que “nós dende o comezo quixemos colaborar con eles e quixemos apostar claramente por un festival que cremos que está moi ben organizado e que vai atraer moita xente a Ribadeo. Estamos diante dunha fin de semana cargada de actividades, dunha fin de semana onde o Vendaval Fest quere revolucionar Ribadeo coa súa proposta. Polo tanto, felitacións e noraboa por esta organización a este grupo de rapaces que están facendo as cousas realmente ben e están apostando por Ribadeo nesa programación cultural que ten a vila durante todo o ano”.
Desde a asociación Catro Caños Arturo Iglesias contou que “o día 22 empezaremos a mediodía coa sesión vermú na Praza do Cantón, que será amenizada pola Duendeneta e haberá un mercadiño organizado por nosoutros e pola asociación Vacas Fracas.
Posteriormente, tamén na zona vella a Duendeneta poñerá música. Alí xa poderemos empezar a quentar motores cuns vermús e cunhas cervexiñas. Despois, pola tarde ás 19.30 horas abriranse as portas e empezará o Vendaval Fest cunha sesión dunha hora da Duendeneta”.
Iglesias seguiu a relatar: “o primeiro grupo empezará ás 20.30 horas, que será Ritmo Vudú, e xa dende aí ata ás 4.30h da mañá Beetle Judge, posteriormente La Tarrancha e Herdeiros da Crus sobre ás 00.30 horas. Finalmente xa remataremos con Gansos Rosas. Ao día seguinte, para que a xente non durma moito, faremos outra sesión vermú na Praza de Abastos. As propias foodtrucks que imos ter dentro do recinto saíran para fóra. Dun lado da praza estará o Mercado dos Domingos, como sempre no verán, e doutro lado da praza teremos unha sesión vermú tamén amenizada pola Duendeneta como o día anterior”.
Desde os Catro Caños engaden que “queríamos traer algo distinto e que o fin de semana sexa algo máis completo. A nosa expectativa é que a xente veña, que disfrute moito, que vaia con bo sabor de boca e queira repetir o ano que vén. Incluso que poda facerse moitos anos este festival. Agora, canta máis xente veña mellor, estamos preparados para enche o aforo, que é grande. As expectativas son as mellores posibles”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
