Nota de prensa:
GIROVAGO E RONDELLA FAMILY THEATRE’ ABREN MAÑÁ A PROGRAMACIÓN ‘ESPAZOS SONOROS’ NA CASA DA ADMINISTRACIÓN
*
A sede do Real Patronato de Sargadelos acollerá cinco espectáculos deste festival organizado pola Consellería de Cultura e na que colabora o Concello a través da súa concellería de Cultura
*
‘Espazos Sonoros’ persegue a valorización do patrimonio histórico galego e a promoción da creación musical no noso país.
Cervo, 16 de setembro de 2010.- Mañá venres, a partires das 12.30 horas, a Casa da Administración de Sargadelos acollerá a primeira das cinco actuacións e espectáculos musicais programados dentro do festival “Espazos Sonoros”, organizado pola Consellería de Cultura e Turismo en diversos puntos de toda a xeografía galega e na que colabora o Concello de Cervo a través da súa concellería de Cultura.
Os encargados de abrir o cartel en Sargadelos serán “Girovago e Rondella Family Theatre”, co seu espectáculo “Mano Viva: o boneco de cinco dedos que camiña”. É unha obra tan áxil coma o boneco/man protagonista. As pernas resultan o compoñente secreto do artefacto, dotadas de xeonllo e pé que lle permiten articularse con moitísima plasticidade. O resultado é unha fascinante aventura baseada en acrobacias e situacións divertidas.
Girovago e Rondella Family Theatre forman unha das poucas familias de artistas da Italia contemporánea. A compañía nace en 1987 cando, tras diversas experiencias de mimo, música e artes aplicadas, Girovago e Rondella se coñecen en Rodas. Desde ese momento, e durante sete anos, representan os seus espectáculos nas illas gregas e na costa turca, transformándose en Family Theatre ao naceren os seus fillos, Rugiada, Timoteo e Tommaso, que atoparían tamén o seu lugar no escenario. Os seus espectáculos son innovadores e evolucionaron converténdose nunha realidade particular, sen parangón con outros artistas de rúa. Foron gañadores do Festival de Atripalda e convertéronse na imaxe para a RAI do Festival de Certaldo.
ESCOLARES CONVIDADOS
Segundo indicou a concelleira de Cultura cervense, Chelo Gallego, “Mano Viva: o boneco de cinco dedos que camiña” é un espectáculo especialmente indicado para os nenos en idade escolar, “de ahí el horario de su celebración” dixo. Neste sentido apuntou que a concellería de Cultura remitiu unha invitación aos escolares do CEIP de Cervo para que asistan a esta escenificación “y en las sucesivas actuaciones haremos lo propio con los otros dos centros educativos que hay en el municipio” adiantou. A edil cervense quixo puntualizar tamén que dito espectáculo está aberto ao público en xeral e convidou a tódalas persoas a que acudan a presencialo.
A programación de “Espazos Sonoros” que se vai desenvolver nos dous vindeiros meses na Casa da Administración de Sargadelos foi presentada o pasado día 1 de setembro pola delegada territorial da Xunta, Raquel Arias e o alcalde de Cerevo, Alfonso Villares. Enmarcado na programación do Xacobeo 2010, “Espazos Sonoros” continúa nesta terceira edición, fiel así mesmo e á intención coa que naceu, que é a de facer unha aposta pola valorización do patrimonio histórico galego e pola promoción da creación musical no noso país.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
