Ribadeo, 10 de agosto de 2023. O Concello de Ribadeo incentivará ás empresas que contraten ás alumnas do obradoiro dual Vilas Coidadoras, segundo anunciaron o alcalde, Dani Vega, e a concelleira de Promoción Económica, Marta Saiz. O prazo de solicitude está aberto ata o 30 de agosto.
O rexedor manifestou: “sempre dixemos que Ribadeo necesita empresa e tamén sempre dixemos que a través da formación é onde se garante un emprego de calidade. Por iso, dende o Concello imos incentivar ás empresas que están interesas en formar e en crear emprego. Son unhas axudas, que chegarán a 1.500 euros para contratar aos alumnos dos obradoiros de vilas coidadoras”.
Dani Vega sinalou que “dende a Concellería Promoción Económica e Iniciativa Empresarial están a desenvolver toda unha ampla información para que as empresas se poidan inscribir e poidan contratar e o que é máis importante, xerar emprego”.
Marta Saiz, a concelleira de Promoción Económica, explicou que “as empresas interesadas recibirán unha axuda de 1.500 euros por cada contratación que realicen nas ocupacións ou postos de traballo vinculados ás especialidades nas que se formaron as alumnas: atención socio-sanitaria, persoas dependentes en institucións sociais, dinamización, programación e desenvolvemento de actuacións culturais”.
A edil seguiu a relatar que “as contratacións deberán ser a xornada completa por un período mínimo de 3 meses e terán que formalizarse nos quince días seguintes á conclusión do Obradoiro Dual, que está previsto que remate o vindeiro 18 de setembro”.
Marta Saiz subliñou que “se trata dunha oportunidade para as alumnas que rematen a formación que recibiron ao longo de doce meses e permitiralles incorporarse ao mercado laboral así tamén como para as empresas que desexen acollerse a este programa. As bases da convocatoria están dispoñibles no taboleiro de anuncios do Concello de Ribadeo. Para más información, poden tamén contactar coa Área de Promoción Económica”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
